अन्तराष्ट्रिय समाचार समाज

जापानको सेन्दाइमा तीज विशेष भेटघाट कार्यक्रम

धु्रबसागर शर्मा
बेनी,आइतबार भदौ १५ गते ।

वैदेशिक रोजगारी,अध्ययन वा अन्य कामको शिलशिलामा जापानको सेन्दाइमा रहेका म्याग्देलीहरुको साझा संस्था मोना सेन्दाइ क्षेत्रिय कमिटीको आयोजनामा आइतवार तीज विशेष भेटघाट कार्यक्रम सम्पन्न भएको छ ।


आफ्नो देश र घरपरिवाबाट टाढा रहेर पनि आफ्नो संस्कार,संस्कृतिको संरक्षण र आपसी सौहार्दता तथा अपनत्वबोध गराउने उद्धेश्यले आयोजना गरिएको कार्यक्रममा एकापसमा चिनजान र दुःखसुख साटासाट गर्नुका साथै पारिवारिक वातावरणमा तीजको दर खाँदै रमाइलो गरेको मोना सेन्दाइका क्षेत्रीय उपाध्यक्ष सागर थापाले जानकारी दिए ।


उपाध्यक्ष थापाले दिएको जानकारी अनुसार कार्यक्रम अत्यन्त सौहार्दपूर्ण वातावरणमा भव्य र सभ्य तरिकाले सम्पन्न भएको थियो । कार्यक्रममा सहभागि म्याग्देलीहरुले यसरी एकापसमा भेटघाटको वातावरण मिलाएर संगै तीज मनाउने र भेटघाट हुने अवसर दिलाएकोमा मोना सेन्दाइ क्षेत्रिय कमिटीलाई धन्यवाद व्यक्त गरेका थिए ।

कार्यक्रमका सहभागिहरुले घरपरिवारसंगै वसेर चाडपर्व मनाएजस्तै अनुभूति भएको विचार व्यक्त गरेका उपाध्यक्ष थापाले बताए । उपाध्यक्ष थापाले कार्यक्रममा उपस्थित सम्पूर्ण म्याग्देलीहरुलाई धन्यवाद ज्ञापन गर्दै आगामी दिनहरुमा पनि यस्तै साथ र सहयोगका लागि आग्रह गरेका थिए ।
कार्यक्रम संस्थाका सल्लाहाकार क्षेत्र केसीको सभापतित्व र संस्थाका अध्यक्ष कमल बानियाँको संचालनमा सम्पन्न भएको थियो ।

सम्बन्धित समाचार

thumbnail

बाढी पहिरो पिडितका लागि मोना कतारद्वारा सहयोग संकलन सुरु

अमित बिश्वकर्माबेनी ,आइतबार असार २८ गते ।म्याग्दीको धौलागिरी गाउँपालिका – ६ मराङ, मालिका गाउँपालीका– ७ बिम र जिल्लाका अन्य भेगहरुमा बिहिबार राती गएको पहिरोबाट प्रभाबित बनेकाहरुलाइ राहतका लागि म्याग्दी प्रबासी नेपाली संघ…

thumbnail

मोना साइप्रसको अध्यक्षमा रोका मगर

म्याग्दी ,बुधबार असार २४ गते ।साइप्रसमा प्रवासमा रहेका म्याग्दीलीहरुको साझा संस्था म्याग्दी प्रवासी नेपाली संघ (मोना ) गठन गरिएको छ । लोकराज रोका मगर अध्यक्षतामा मोना साइप्रस गठन गरिएको हो । मोना…

thumbnail

विश्व स्वास्थ्य संगठनको आग्रह : महामारीलाई बेवास्ता नगर्नु

जेनेभा ,आइतबार असार २१ गते । विश्व स्वास्थ्य संगठन (डब्लूएचओ)ले कोरोनाभाइरस महामारी जादुमयी तरिकाले नहट्ने भन्दै यसलाई बेवास्ता नगर्न आग्रह गरेको छ । संक्रमण फैलने क्रम बढ्दो रुपमा नै रहेको भन्दै डब्लूएचओले…

Write a Reply or Comment