‘कफी र काफिया’मा म्याग्दीका घायलश्री गुञ्जिने

बेनी बुधबार माघ २३ गते ।एक दशकदेखि म्याग्दीलाई कर्मक्षेत्र मानेर साहित्यिक क्षेत्रमा क्रियाशील युवा सर्जक घायलश्री गैंडाकोट नवलपरासीमा हुँदै गरेको एक साहित्यिक कार्यक्रममा आफ्नो प्रस्तुती दिने भएका छन् ।


यही माघ २६ गते शनिबार हुँदै गरेको ‘कफी र काफिया’ को बाह्रौं श्रीङ्खलाको कार्यक्रममा प्रमुख वाचकको रुपमा उपस्थित हुँदै गरेका घायलश्री विगत दुई दशकदेखि नेपाली साहित्य लेखन क्षेत्रमा क्रियाशील रहेका छन् । म्याग्दी साहित्य सञ्चारका अध्यक्ष, अन्तराष्ट्रिय नेपाली साहित्य समाज धवलागिरी कार्य समितिका संयोजक, बुलबुल साहित्यिक पत्रिकाका सम्पादक समेत रहेका उनका ‘कविता’ लघुउपन्यास, ‘पूर्वी’ कथा सङ्ग्रह लगायत अहिलेसम्म पाँच कृतिहरु प्रकाशित भईसकेका छन् ।

विभिन्न सङ्घ संस्थाहरुबाट समेत सम्मानीत भई सकेका उनी सिर्जनशील युवा लेखकको रुपमा चिनिन्छन् । नेपाली साहित्यको गजल विधालाई बिस्तार तथा प्रवद्र्धन गर्ने उद्देस्यले विगत देखि नै यस्तो खाले कार्यक्रम सञ्चालन गरिएको र त्यसैको निरन्तरता भएको कार्यक्रम संयोजक लेखराम सापकोटाले बताए । उनले भने ‘साहित्य भनेको समाजको ऐना हो ।

साहित्यिक सिर्जनाहरु मार्फत देस र समाजमा भए गरेका राम्रा कामहरुलाई प्रोत्साहन र नराम्रा कामहरुलाई खवरदारी गर्ने काम स्रष्टाहरुले गर्दछन् ।’ गजल सुन्नकै लागि भनेर विभिन्न जिल्लाहरुबाट साहित्य तथा गजल प्रेमीहरु कार्यक्रममा उपस्थित हुने आयोजकको भनाई रहेको छ ।


‘सङ्कल्प–१०१’ गजल सङ्ग्रह समेत प्रकाशित गरेकी स्थानीय गजलकार अम्विका कार्की ‘अमु’ले गजल वाचनमा उनलाई साथ दिनेछिन् । सिर्जन साहित्य प्रतिष्ठान नवलपुर आयोजक रहेको उक्त युगल गजल वाचन कार्यक्रम एस। पी। एम। कलेज गैंडाकोटको सभाहलमा दिनको तीन बजेदखि शुरु हुनेछ ।

सम्बन्धित समाचार

thumbnail

बेनी बजारलाई व्यवस्थित र सुन्दर बनाउन छलफल,सडक अतिक्रमण गरी बनाइएका संरचना हटाउन ७ दिने सुचना

म्याग्दी । म्याग्दीको सदरमुकाम बेनी बजारलाई व्यवस्थित र सुन्दर बनाउन सरोकालाहरु विच छलफल भएको छ। म‌गलबार  बेनी नगरपालिकाको कार्यालयमा सरोकारवाहरुविच गरिएको छलफलले बेनी बजारलाई सुन्दर र ब्यवस्थित बनाउन होटल, फेन्सी खाद्यान्न, फलफूल…

thumbnail

बेगखोलामा बोलेरो जीप दुर्घटना हुँदा ८ जना घाइते

म्याग्दी ।म्याग्दीको रघुगंगा गाउँपालिका– १, बेगखोलामा बोलेरो जीप दुर्घटना भएको छ। सोमबार साँझ बेनीदेखी बेगखोला जाँदै गरेको ग १ ज ७२ ५१ नम्बरको बोलेरो जीप घाव्पा औल स्थित घुम्तीमा  दुर्घटना भएको स्थानीय…

thumbnail

म्याग्दीमा १७ गतेदेखि दुई चरणमा फोटो सहितको मतदाता नामावली सङ्कलन हुने (तस्बिर)

म्याग्दी । हिमाली जिल्ला म्याग्दीमा दुई चरणमा फोटोसहितको मतदाता नामावली सङ्कलन हुने भएको छ । आगामी वर्षमा हुने स्थानीय तह, प्रदेश सभा र प्रतिनिधि सभा सदस्य पदका लागि निर्वाचनमा भोट हाल्न यसअघि…