रघुगंगामा विद्यालय सुशासन तथा शैक्षिक जागरण कार्यक्रम

बेनी, बुधबार भदौ २५ गते । रघुगंगा गाउँपालिकाले विद्यालय सुशासन तथा शैक्षिक जागरण कार्यक्रम सुरु गरेको छ । सामुदायिक विद्यालयको शैक्षिक गुणस्तरलाई थप प्रभावकारी बनाउन गाउँपालिकाले जनजागरणकै रुपमा कार्यक्रम अघि सारेको छ । कार्यक्रम अन्तरगत विद्यालयको स्थलगत अनुगमन, अवलोकन गरि शिक्षक, व्यवस्थापन समिति र अभिभावकहरुसँग अन्तरक्रिया गरेर समस्या पहिचान, सुझाव संकलन र निर्देशन दिन थालिएको छ ।

अध्यक्ष स्तरको निर्णय र विद्यालय सुशासन तथा शिक्षक व्यवस्थापन कार्यबिधि २०७६ अनुसार बुधबार ज्ञानोदय मावि मौवाफाँटबाट कार्यक्रम सुरु गरेको प्रमुख प्रशासकीय अधिकृत रमेश थापाले बताउनुभयो ।

सबै विद्यालयको स्थलगत अनुगमन पश्चात शिक्षक दरबन्दि मिलान र व्यवस्थापन गर्ने तयारी गरिएको छ । यसै आर्थिक वर्षबाट गाउँपालिकाले पारित गरेको करार शिक्षक नियुक्त गरिने भएको छ । गाउँपालिका अध्यक्ष भवबहादुर भण्डारी, गाउँ शिक्षा समितिका सदस्य रिमबहादुर कटुवाल क्षेत्री, प्रमुख प्रशासकीय अधिकृत थापा र शिक्षा विकास तथा समन्वय इकाईका प्रमुख दलबहादुर थापाको उपस्थितीमा अनुगमन गरिएको थियो ।

कार्यक्रममा विद्यालय व्यवस्थापन समिति, अभिभावक, स्थानीय वुद्धीजिवी तथा सरोकारवालाको उपस्थिति थियो । शैक्षिक उपलब्धि, प्रशासन, पूर्वाधार, अभिलेख व्यवस्थापन, लेखा परिक्षण लगायतका विषयमा छलफल गरिएको थियो ।

सम्बन्धित समाचार

thumbnail

रघुगंगा गाउँपालिकामा लागु औषध दुरुपयोग तथा ओसार पसार विरुद्धको अन्तर्राष्ट्रिय दिवस मनाइयो

म्याग्दी। म्याग्दीको रघुगंगा गाउँपालिकामा लागु औषध दुरुपयोग तथा ओसार पसार विरुद्धको अन्तर्राष्ट्रिय दिवस विविध कार्यक्रम गरि मनाइएको छ । आइतवार रघुगंगा गाउँपालिका–३ स्थित रघुगंगा माध्यमिक विद्यालय र रघुगंगा गाउँपालिका–१,तिप्ल्याङ स्थित कालिका माध्यमिक…

thumbnail

रघुगंगा नदीमा आएको बाढीले स्काभेटर बगायो

म्याग्दी । म्याग्दीको रघुगंगा नदीमा आएको बाढीले स्काभेटर बगाएको छ । शनिवार राती रघुगंगा नदीमा आएको बाढीले राहुघाट जलविद्युत आयोजनाका ड्याम साइटमा काम गरेर नदी किनारमा पार्किङ्ग गरि राखेको ठाउँमा कटान गरेर…

thumbnail

रघुगंगा गाउँपालिकाको ४६ करोड ८६ लाख २५ हजार रुपैयाँ बजेट पारित

बेनी । म्याग्दीको रघुगंगा गाउँपालिकाले आगामी आर्थिक वर्ष २०७९र८० का लागि रु ४६ करोड ८६ लाख २५ हजार बराबरको बजेट पारित गरेको छ । शुक्रवार सम्पन्न १३ औँ गाउँ सभामा गाउँपालिका अध्यक्ष…