अर्गानिक फल भित्रको ठेकी भित्र दही छ सामाजिक सञ्जाल देखि टिकटक सम्म चर्चामा

थम्मन थापा,सोमबार बागलुङ मंसिर ९ गते ।
आज भोली लोक दोहोरी क्षेत्रले निकै श्रोता र दर्शकको मन जितेको छ । पहिले पहिले गाउँघरमा मात्र सुनिने लोक गीत र दोहोरी गीत अहिले शहर बजार देखि गाउँसम्म निकै गुञ्जन थालेका छन ।

पछिल्लो समय लोक गीत संगीतमा प्रवेश गर्ने नव प्रतिभाहरुको माहोल पनि निकै बढेको छ । अहिले ईन्टरनेट सामाजिक सञ्जाल र युट्युवले गीत संगीतको बजार क्षेत्र निकै फराकिलो बनाएको छ । अहिले लोक गीत संगीत प्रेमी श्रोता दर्शकको मुखमा गुञ्जिरहेको गीत हो अर्गानिक फल गीती एल्वमको ठेकी भित्र दही छ । अहिले युट्युव देखि सामाजिक सञ्जाल फेसबुक र टिकटकमा धेरैको रोजाईमा यो गीतले कब्जा जमाएको छ ।

गलकोट नगरपालिका १ दुदिलाभाटी बागलुङमा जन्मेका लोकप्रिय सर्जक एवं बिरु कार्कीको गीती एल्वम अर्गानिक फल युट्युवमा सार्वजनिक भएको एक डेढ हप्तामै धेरै श्रोता दर्शकको मन जित्न सफल भएको छ । लोकप्रिय गायिका लक्ष्मी मल्ल अनि बिरु कार्कीको सुमधुर आवाज रहेको उक्त गीतको शब्द आफै गायक कार्कीले तयार पार्नु भएको हो भनें गीतको लय पनि सर्जक एवं गायक कार्की कै रहेको छ । गीतमा पछिल्लो समयमा विभिन्न टेलिश्रृङखलाहरु र गीतहरुमा अभिनय गरेर चर्चा बटुल्न सफल चर्चित मोडल रक्षा श्रेष्ठ र सुनिल क्षेत्रीको उत्कृष्ट अभिनय रहेको छ ।

गायक कार्कीले उक्त गीतलाई आफनै युट्युव च्यानल बिरु कार्की मार्फत केहि हप्ता पहिले प्रस्तुत गर्नु भएको थियो । गीतलाई चर्चित एरेञ्जर कृष्ण केसीले एरेञ्ज गर्नु भएको छ । राग स्टुडियो काठमाण्डौमा गीतको अडियो रेकर्ड गरिएको थियो । पर्यटकीय गन्तव्य मुस्ताङका विभिन्न रमणिय स्थलहरुमा छायाङकन गरिएको गीतको भिडियोमा निर्देशन चर्चित निर्देशक सुनिल क्षेत्रीले गर्नु भएको छ । माया पिरतीमा आधारित कथावस्तु गीतमा समेटिएको छ । सर्जक एवं गायक कार्कीले यस भन्दा अगाडी पनि गीतहरु आम श्रोता दर्शक माँझ पस्किसक्नु भएको छ । गीतको भिडियो हेर्न तलको लिङ्कमा क्लिक गर्नुहोस ।

सम्बन्धित समाचार

thumbnail

भूमे पुजा सहित पुन समाजको १६ औं महाधिवेशन पोखरामा

सुरेन गरुङ्ग पोखरा । पुन समाज नेपाल द्वारा संयुक्त रुपमा आयोजना गरीएको भुमे पूजाँ २०७९ सम्पन्न भएको छ। मंगलबार पोखरामा पुन समुदायले धार्मिक बिधी अनुसार भूमे पुजा सम्पन्न संगै १६ औं अधिवेशनको…

thumbnail

दग्नाम भुमे पुजाको लिङ्गो जुधाइ,कान्छी गाउँ बिजयी

दग्नाम। म्याग्दीको रघुगंगा गाउँपालिका–४ दग्नाममा परम्परागत रुपमा भुमे पुजाको अवसरमा हुने लिंङ्गो जुधाई मंगलवार सम्पन्न भएको छ । हरेक बर्षको जेठ महिनामा मनाइने भूमे पुजाको अवसरमा आयोजना गरिएको लिंङ्गो जुधाउने प्रतियोगितामा बिगतमा…

thumbnail

बाँदुकमा भुमेपूजा (भिडियो / तस्बिरहरु)

धनिलाल गर्बुजा बाँदुक । म्याग्दीको रघुगंगा गाउँपालिका–१ स्थित बाँदुकमा भुमेपूजा सम्मन्न भएको छ। मंगलबार बाँदुक भुमे युवा क्लवको आयोजनामा एक समारोहका बिच भुमेपूजा सम्पन्न भएको हो। बर्षायामको सुरुवातसंगै खाद्य बालीमा प्राकृतिक प्रकोप…