रघुगंगा गाउँपालिका राष्ट्रिय समाचार स्थानीय

रघुगंगा गाउँपालिकाको आठौँ गाउँसभा : नीति तथा कार्यक्रम सहित ३९ करोड ७४ लाखको बजेट पारित

म्याग्दी ,बिहिबार असार ११ गते । म्याग्दीको रघुगंगा गाउँपालिकाले स्वास्थ्य क्षेत्रलाई प्राथमिकता दिएर आगामी आर्थिक बर्ष २०७७र०७८ को नीति तथा कार्यक्रम र बजेट सार्वजनिक गरेको छ । बुधवार गाउँपालिकाको केन्द्र मौवाफाँटमा सम्पन्न आठौँ गाउँसभाले कोरोना भाइरसलाई नियन्त्रण गर्ने लगायतका स्वास्थ्यसंग सम्बन्धित क्षेत्रलाई प्राथमिकतामा राखेर नीति तथा कार्यक्रम र बजेट पारित गरेको हो । गाउँपालिकाका उपाध्यक्ष कमला तिलिजाले प्रस्तुत गर्नुभएको बजेट बक्तब्यमा कोरोना उपचार तथा रोकथाम कोषमा रु १ करोड बजेट विनियोजन गरिएको छ ।

गाउँपालिकाले पाखापानी र पिप्लेमा ल्याब स्थापना गर्ने, स्वास्थ्यकर्मीको स्वास्थ्य विमा गर्ने, निशुल्क वितरणको लागि औषधी खरिद गर्ने, स्वास्थ्य उपकरण खरिद गर्ने, स्वास्थ्य शिविर सञ्चालन गर्ने लगायतको स्वास्थ्य क्षेत्रमा रु ५ करोड ७४ हजार बजेट विनियोजन भएको छ । पूर्वाधार तर्फ रु १० करोड ३७ लाख बजेट विनियोजन गरेको गाउँपालिकाले शिक्षा क्षेत्रतर्फ रु १२ करोड ७३ लाख, कृर्षितर्फ रु १ करोड २ लाख, गरिबी निवारणतर्फ रु १२ लाख, उद्यमशिलता, श्रम तथा रोजगार तर्फ रु ६३ लाख , पर्यटनतर्फ रु १२ लाख, पशुपालनतर्फ रु ५८ लाख , वन, वातावरण तथा विपद् व्यवस्थापन तर्फ रु ६० लाख, शुसासन तथा संस्थागत क्षमता विकासमा रु ९५ लाख बजेट विनियोजन गरेको छ ।

गाउँसभामा उपाध्यक्ष तिलिजाद्धारा प्रस्तुत कुल रु ३९ करोड ७४ लाख, ३५ हजार २४० को बजेट पारित भएको छ । चालुतर्फ रु १९ करोड ८३ लाख र पुजीगत तर्फ रु ११ करोड ५८ लाख ३१ हजार बजेट विनियोजन भएको छ । बजेट बक्तब्य पेश हुनुअघि गाउँपालिका अध्यक्ष भवबहादुर भण्डारीद्धारा प्रस्तुत नीति तथा कार्यक्रम गाउँसभाले स्विकृत गरेको छ । अध्यक्ष भण्डारीले गाउँपालिकाको समग्र विकास र समृद्धिका योजनाहरुलाई समेटेर प्रस्तुत गर्नुभएको नीति तथा कार्यक्रममा कोरोना रोकथाम र नियन्त्रण संगै पूर्वाधार निर्माण, कृषि, पशुपालन, पर्यटन लगायतको क्षेत्रको सम्भावनाको उजागर गर्नतर्फ जोड दिईएको छ ।

गाउँसभाको उद्घाटन समारोहमा बोल्दै नेकपा रघुगंगा गाउँकमिटीका अध्यक्ष दिपक कार्कीले संघिय व्यवस्थाले जनताका चाहना र आबश्यकताहरु पुरा गर्नको लागि जनप्रतिनिधिहरुले जिम्मेवार रुपमा आफ्नो भूमिका निर्वाह गर्नुपर्नेमा जोड दिनुभयो । उहाँले संघिय र प्रदेश सरकार संग समेतको सहकार्यमा गाउँपालिकामा विकास निर्माण योजनाहरु सञ्चालन गर्नको लागि आफुले समन्वयकारी भूमिका खेल्न तयार रहेको बताउँदै गाउँपालिकाले ल्याएका नीति तथा कार्यक्रम र बजेटलाई प्रभाबकारी र ब्यबहारिक बनाउनतर्फ लाग्नुपर्नेमा जोड दिनुभयो ।

त्यसैगरि नेपाली काँग्रेस रघुगंगा गाउँपालिका स्तरीय समितिका सभापती एवम् वडा नम्बर ३ का वडा अध्यक्ष जिवनकुमार मल्लले कोरोना रोकथाम र नियन्त्रणको लागि सबै पक्षले रचनात्मक भूमिका खेल्नुपर्ने बताउनुभयो । उहाँले गाउँपालिकाको विकासको लागि सबै पक्षहरुबिच रचनात्मक सहकार्य हुनुपर्नेमा जोड दिँदै गाउँमा पुग्ने योजनाहरुलाई प्रभाबकारी बनाउनतर्फ सबैको ध्यान जानुपर्नेमा जोड दिनुभयो । गाउँसभामा वडा नम्बर ६ का अध्यक्ष मनकुमार शेरपुजा र प्रमुख प्रशासकिय अधिकृत अमृत सुवेदीले सहजीकरण गर्नुभएको थियो ।

सम्बन्धित समाचार

thumbnail

म्याग्दीमा थप ९ जनामा कोरोना संक्रमण पुष्टि

बेनी ।म्याग्दीमा थप ९ जनामा कोरोना संक्रमण पुष्टि भएको छ । विभिन्न देशबाट आएर जिल्लाको बेनी स्थित क्वारेन्टाइनमा बसेका ९ जनामा कोरोना संक्रमण देखिएको हो । पीसिआर परिक्षण गर्दा ९ जनामा कोरोना…

thumbnail

पहिरो प्रभावित क्षेत्रमा हेलिकप्टर मार्फत उद्दार र राहत निरन्तर

अमित बिश्वकर्माबेनी ,आइतबार असार २८ गते ।पश्चिम म्याग्दीका पहिरो प्रभाबित क्षेत्रमा हेलिकप्टर मार्फत औषधी र आबश्यक स्वास्थ्य सामाग्री पु¥याइएको छ । आइतबार गण्डकी प्रदेश सरकार, स्वास्थ्य आपुर्ती ब्यवस्था केन्द्र पोखराले उपलब्ध गराएको…

thumbnail

बाढी पहिरो पीडितका लागी म्याग्देली युवा आवाजद्वारा दुई लाख रुपैयाँ सहयोग

बेनी ,आइतबार असार २७ गते ।स्वदेश तथा बिदेशमा रहेका स्वतन्त्र म्यादीका युवाहरूको सामाजिक संजालको समुह म्यादेली युवा आवाजले म्याग्दीका बाढी पहिरो पीडितको राहतका लािग दुई लाख रुपैयाँ सहयोग गरेको छ । समुहका…

Write a Reply or Comment