आर्थिक मंगला गाउँपालिका मुख्य समाचार समाचार स्थानीय

मंगला गाउँपालिकाको ४० करोड बढीको बजेट पारित,दुई गाउँपालिकालाई सहयोग गर्ने

बेनी ।मंगला गाउँपालिकाले आगमी आर्थिक वर्ष २०७७र०७८ को लागि ४० करोड ३३ लाख २५ हजार पाँच सय साठी रुपैयाँ बराबरको बजेट पारित गरेको छ । आइतबार सम्पन्न नवौं गाउँसभाले उक्त बजेट पारित गरेको हो । यस अघि असार ९ गते बसेको गाउँसभामा अध्यक्ष सतप्रसाद रोकाले बजेट प्रस्तुत गर्नुभएको थियो ।

file photo

संघिय सरकारको सर्सत अनुदान १८ करोड १२ लाख,समानीकरण ८ करोड २ लाख, समपुरक अनुदान १ करोड ६७ लाख र राजश्व बाँडफाँड ५ करोड ९९ लाख ३ हजार ५ सय ६० रुपियाँको बजेट सिलिङ प्राप्त भएको लेखापाल लेखनाथ अधिकारीले जानकारी दिनुभयो । यसैगरी संघिय सरकारबाट विशेष अनुदानका रुपमा एक करोड ६०लाख रुपियाँ प्राप्त भएको छ । एक करोड चालु आर्थिक वर्षमा खर्च हुन नसकेर बाँकी रहेको बजेटलाई समाबेश गरिएको छ ।

यसैगरी प्रदेश समानीकरण एक करोड २० लाख ६१ हजार, राजश्व बाँडफाँड ३२ लाख ११ हजार र आन्तरिक आम्दानी ५६ लाख ५० हजार अनुमानित गरिएको उहाँले बताउनुभयो । कृषिको संभावना रहेको मंगलाले कृषि उत्पादनलाई जोड दिएर बजेट ल्याइएको गाउँपालिका अध्यक्ष सतप्रसाद रोकाले बताउनुभयो । कोरोना रोकथामका साथै कृषि उत्पादन वृद्धि,ग्रामिण सडकको स्तरउन्नती,पर्यटन प्रवद्र्धन र रोजगारी सिर्जना लगायतका क्षेत्रलाई प्राथमिकतामा राखिएको उहाँले बताउनुभयो ।

अल्याबाट थपिएको एक करोड मध्यबाट पुलचोक–पिपलबोट–पाखु–धारा सडकलाई १५ लाख, ताराखेत–भरजुला–सल्यान–भरजुला–थाइवाङ–हिदी सडकलाई थप १५ लाख, मंगला शिक्षा क्याम्पसलाई थप २० लाख, सिम–कोत्रवाङ–कुहुँ–पुर्णगाउ–टोड्के सडकलाई थप १५ लाख, विपद् व्यवस्थापन सामग्री खरिदमा तीस लाख र छ लाख रुपैयाँ सार्वजनिक निर्माणमा गरिएको प्रमुख प्रशासकीय अधिकृत कृष्णप्रसाद गौतमले बताउनुभयो ।

यसैगरी धवलागिरी र मालिका गाउपालिकाका पहिरो पीडितका लागि दुई लाख रुपैया उपलब्ध गराउने निर्णय भएको छ । अघिल्लो आर्थिक वर्षमा उत्कृष्ट काम गर्ने उपभोक्ता समितिका पदाधीकारीलाई सम्मान तथा पुरस्कृत गरिएको थियो ।

सिम–कुहँु सडक आयोजनाका एकजित रोका, बाबियाचौर ढल निर्माणका बिरेन्द्र खड्का, पोक–सातबिसे–तोरीडाडा–खस्रुपानी सडकका बलराम सापकोटा, धापुङको रस्टिक स्टोरका वुद्धी पुन, भेङ्गा सकेल खानेपानी आयोजनाका अध्यक्ष नुमाया किसान र साउनेपानी–जुरेढुङ्गा सडकका नरबहादुर छन्त्याललाई सम्मान गरिएको हो ।

गाउसभा समापन गर्दै अध्यक्ष रोका, उपाध्यक्ष सिर्जना केसी र प्रशासकीय अधिकृत कृष्णप्रसाद गौतमले बजेट कार्यान्यनमा समयमै जुटन जनप्रतिनिधि र कर्मचारीहरुलाई अनुरोध गर्नुभयो । कोरोना भाइरसका कारण बजेट कार्यान्वयनमा चुनौती थपिए पनि सुरक्षाका उपायहरु अपनाउँदै नयाँ आर्थिक वर्ष सुरु भए लगत्तै गाउँपालिका बजेट कार्यान्वयनमा जुट्ने बताउनुभयो ।

सम्बन्धित समाचार

thumbnail

मलेसियामा कार्यरत ११ नेपाली खर्च अभावमा अलपत्र

सोलुखुम्बु । मलेसियाको एक कम्पनीमा कार्यरत ११ नेपाली पाँच महिनादेखि अलपत्र परेका छन् । अल्फा कम्पनीमा कार्यरत सबैको पाँच महिनाअघि नै भिसा म्याद सकिएकाले अलपत्र परेको सोलुखुम्बु घर भई त्यहाँ कार्यरत घनश्याम…

thumbnail

संक्रमित अख्तियार प्रमुखसहितको टोली संसदीय समितिमा जोखिम

काठमाडौं ।समुदायस्तरमा फैलिएको कोरोनाभाइरसको संक्रमण अख्तियार दुरुपयोग अनुसन्धान आयोगको उच्च पदाधिकारीसम्म पुगको छ । मंगलबार अख्तियारका प्रमुख आयुक्तसहित अन्य पदाधिकारीमा सो संक्रमण देखिएको स्वास्थ्य मन्त्रालय स्रोतको भनाइ छ । अख्तियारका कुन–कुन पदाधिकारीमा…

thumbnail

घुस लिएर काठमाडौं हिँडेका खानेपानी संस्थान बुटवलका कार्यालय प्रमुख समातिए

काठमाडौं । नेपाल खानेपानी संस्थानको बुटवलस्थित कार्यालयका प्रमुख इन्जिनियर सन्तोष साह घुुससहित पक्राउ परेका छन् । खानेपानी शाखा कार्यालयहरुका विभिन्न व्यक्तिहरुबाट घुस रकम उठाएर काठमाडौंतर्फ जाँदै गरेको भन्ने सूचनाका आधारमा अख्तियार दुरुपयोग…

Write a Reply or Comment