तस्बिर भिडियाे मंगला गाउँपालिका मुख्य समाचार म्याग्दी म्याग्दी न्युज खोज

ओछ्यानबाटै कक्षा चार ! (फोटो/भिडिओ सहित )

बेनी । शारिरिक रुपमा अशक्त भएपनि यहाँका एक बालक ओछ्यानबाटै कखरा सिके । जिल्लाको मंगला गाउँपालिका–५,छिस्बाङ्गका १६ बर्षिय विकास दर्जीमा जन्मेको ६–७ महिनामै शारिरीक अशक्तताको लक्षण देखा पर्न थाल्यो । छरछिमेकका साथीभाईसंग खेल्दै विद्यालय जाने र पढ्ने उनको इच्छा अधुरै रह्यो ।

तर,परिवारको आर्थिक अवस्थाका कारण उनले उपचार पाउन सकेनन् । दर्जीका हात र खुट्टा कमजोर छन् । शारिरीक अवस्थाले साथ नदिएपनि उनले पढ्ने अठोट लिएका छन् । साथै उनका अभिभावकले दर्जीलाई साथ दिएका छन् । छोराको पढ्ने इच्छा पुरा गर्न दैनिक विद्यालय पु¥याउने गरेका छन् । उनि गाउँकै खारपानी आधारभुत विद्यालयमा कक्षा चारमा अध्ययनरत छन् ।

भिडिओ

‘शारिरीक अशक्तताका कारण पनि छोराको बलियो आत्मबल र पढ्ने अठोट देखेर उसलाई साथ दिन पिठ्युमा बोकेर दैनिक विद्यालय पु¥याउने गरेको छु ,’ बुबा दिलबहादुरले भने । विद्यालयमा पनि विकासका लागि छुट्टै ओछ्यान छ । उनि त्यही ओछ्यानबाट साथीभाईसंगै पढ्छन् ।

जन्मदा अरुको जस्तै स्वास्थ्य अवस्था सामान्य भएपनि पछि उमेर बढ्ढै जाँदा विकासको शरिर लुलो हुँदै गएको बुबा दिलबहादुर बताउछन् । आर्थिक अवस्था कमजोर भएकाले छोराको शरिर अरुको भन्दा फरक हुँदै गएपनि समयमै छोरालाई अस्पताल पु¥याउन नसकिएको दिल बहादुरले सुनाए ।

छोराको शरिर विग्रिदै गएपछि छिमेकीसंग ऋण मागेर पोखरा स्थित विभिन्न अस्पतालमा पु¥याए पनि छोराको स्वास्थ्यमा भने कुनै परिवर्तन नआएको बुबा दिलबहादुरको भनाई छ । अस्पतालले उपचार पछि छोरा निको हुने बताए पनि पैसा अभावमा छोराको उपचार गराउन नसकिएको उनि बताउँछन् । अस्पतालले छोरालाई ह्वीलचियरमा राख्न सुझाएको थियो । विकास करिब एक घण्टा मात्र उठेर बस्न सक्ने बुबाको भनाई छ ।

आर्थिक अभावमा राम्रो अस्पतालमा उपचार गराउन नसक्दा छोराको स्वास्थ्य अवस्था विग्रिदै गएपछि ह्वीलचियरमा पनि अडिन नसक्ने अवस्थाले गर्दा विकासलाई ओछ्यानमा सुताउन बाध्य भएको बुबा दिलबहादुरले भावुक हुँदै सुनाए । विकासले मासिक तीन हजार रुपैयाँका दरले अपङ्गता भत्ता पाउँदै आएका छन् ।

‘करिब नौ बर्षको उमेरमा विकासकी आमा र दिदीले पोखरा स्थित विभिन्न अस्पताल पु¥याएपनि छोराको स्वास्थ्यमा सुधार आएन,’ बुबा दिलबहादुरले भने ,‘पैसा भयो भने छोरालाई काठमाडौंका ठुला अस्पतालमा लगेर उपचार गराउने ठुलो धोको छ ।’ विकासका एक दिदी र बहिनी छन् । दिल बहादुर सानो फर्निचर उद्योग संचालन गरेपनि जिविका चलाउन मुस्किल हुने बताउँछन् । ‘आर्थिक स्रोत यही एउता फर्निचर हो ,यसबाट पनि जिविका धान्न धौधौ भएको छ ।’ आँखाबाट आशु बगाउँदै दिलबहादुरले थपे , ‘दैनिक जिविका चलाउन गाह्रो भएको बेला छोरालाई उपचार गराउने कुरा परको हो ।’
आर्थिक सहयोग गर्न चाहनेहरुका लागि सम्पर्क नम्बर बुबा दिल बहादुर दर्जी–९८४२२६८८९१

सम्बन्धित समाचार

thumbnail

कोप्चेपानीका २३ घर परिवारलाई भालेबासमा सारियो

पोखरेबगर । पहिरोको उच्च जोखिममा रहेको म्याग्दीको अन्नपुर्ण गाउँपालिकाको वडा नम्बर ४ कोप्चेपानीका २३ घर परिवारलाई सुरक्षित स्थानमा सारिएको छ । बस्ती तल बग्ने कालिगण्डकी नदीको कटान र अविरल बर्षातका कारण बस्ती…

thumbnail

अन्नपुर्णको जलथले र कोप्चेपानी बस्तीका २६ घर पहिरोको उच्च जोखिममा (भिडिओ /फोटो)

पोखरेबगर । म्याग्दीको अन्नपुर्ण गाउँपालिकाको वडा नम्बर ३ जलथले र वडा नम्बर ४ कोप्चेपानीका २६ घर पहिरोको उच्च जोखिममा रहेका छन् । बुधबार अविरल बर्षातका कारण बस्ती माथिबाट खसेको पहिरोको कारण जलथलेमा…

thumbnail

निस्कोटमा पहिरोले दुई घर विस्थापित ,रेडक्रस र कांग्रेसद्धारा राहत सहयोग (तस्बिर सहित )

म्याग्दी । जिल्लाको मालिका गाउँपालिका–१,निस्कोटको केशमा पहिरोले दुई घर विस्थापित भएका छन् । अविरल बर्षाका कारण असोज २ गते बेलुकीको समयमा घर माथिबाट खसेको पहिरोले केशका दलप्रसाद पुन र चन्द्रबहादुर पुनको घर…

Write a Reply or Comment