खेलकुद बेनी नगरपालिका म्याग्दी न्युज विशेष रघुगंगा गाउँपालिका राष्ट्रिय समाचार

राष्ट्रिय महिला भलिबल टिमकी कप्तान अरुणा शाहीलाई अवार्ड जिताउन ‘भोट गर्न अपिल’

म्याग्दी । नेपाल खेलकुद पत्रकार मञ्चको पिपुल्स च्वाइस अवार्डको मनोनयनमा पर्नुभएकी राष्ट्रिय महिला भलिबल टिमकी कप्तान अरुणा शाहीलाई बिजयी गराउन गृहजिल्ला म्याग्दीमा ‘भोट अपिल’ अभियान सुरु भएको छ । जिल्ला भलिबल संघ म्याग्दीको अगुवाईमा भोट अपिल अभियान सञ्चालन गरिएको छ । जिल्लाको रघुगंगा गाउँपालिका–३ पिप्लेमा जन्मिएर राष्ट्रिय महिला भलिबल टिमको अगुवाई गर्नुभएकी शाहीलाई अवार्ड बिजेता बनाउनका लागि भोट संकलन र अभियानलाई प्रचार प्रसारमा जुटेको संघले जनाएको छ ।

आइतवार बेनीमा पत्रकार सम्मेलन गरि संघले फेसबुक र ईसेवाबाट भोट गरि शाहिलाई बिजेता गराउनका लागि सक्रिय सहयोग गर्न अपिल गरेको छ । पत्रकार सम्मेलनमा कप्तान शाहीले आफ्नो खेल संघर्षमा जिल्ला र देशबासीबाट पाएको साथ, सहयोग र समर्थनले उत्साहित बनाएको बताउँदै यस पटकको अवार्डमा समेत मोवाईल एप ईसेवा र फेसबुकबाट भोट गरि बिजयी गराउने अपेक्षा व्यक्त गर्नुभयो । ‘‘ मेरो खेल क्षेत्रको सुरुवातीदेखि नै हाम जिल्लाबासीको मप्रतिको मायाँ र साथ नै मेरो यात्राको सबैभन्दा ठुलो शक्तिको रुपमा पाएकी छु , मलाई भरोसा छ, यस पटकको अवार्ड बिजेता गराउन पनि सबै क्षेत्रबाट उत्तिकै साथ र सहयोग पाउनेछु, यो ठाउँ र देशको शिर उचो राख्ने नै मेरो प्रतिज्ञा रहिरहनेछ’’– शाहीले भन्नुभयो ।

जिल्लामा जन्मिएर राष्ट्रिय रुपमा नै भलिबलमा पहिचान बनाउन सफल शाहीलाई अत्यधिक भोटबाट विजयी गराउन संघले भोट अपिल सञ्चालन गरेको जिल्ला भलिबल संघका अध्यक्ष रमेशकुमार श्रेष्ठले बताउनुभयो । संघले गत पुस १६ गतेदेखि नै बेनीमा शाहीलाई अवार्ड बिजेता गराउन भोट संकलन अभियान सञ्चालन गरिसकेको छ । अभियान अन्र्तगत जिल्लाका विभिन्न संघ संस्था, विद्यालय र स्थानीय तहहरुसंग समेत भोटिङ अभियानमा साथ, सहयोग र सहकार्यको लागि पुग्नेक्रम जारी रहेको संघका उपाध्यक्ष एवम् भेलिबल प्रशिक्षक तेजेन्द्र बानियाँले जानकारी दिनुभयो ।

पत्रकार सम्मेलनमा बेनी नगरपालिकाका मेयर हरिकुमार श्रेष्ठ र प्रमुख जिल्ला अधिकारी उमाकान्त अधिकारीले शाही जिल्लाकै गौरब र गहना भएकाले उहाँलाई सक्दो भोट गरि बिजयी गराउन सबै क्षेत्रबाट रचनात्मक साथ र सहयोग गर्न आह्वान गर्नुभएको थियो । राष्ट्रिय टोलीबाट माल्दिभ्ससँगको मैत्रीपुर्ण, भारतसँगको मैत्रीपुर्ण, साउथ एसियन आमन्त्रण भलिबल च्याम्पियनसिप, एभीसी सेन्ट्रल जोन र १२औं दक्षिण एसियाली खेलकुद ९साग० खेल्नुभएकी शाहीको कप्तानीमा नेपालले २० बर्षपछि अन्तराष्ट्रियस्तरको भलिबल प्रतियोगिताको उपाधी हात पार्न सफल भएको थियो । शाहीले सन् २०१४ मा नेपालमा आयोजना भएको माल्दिभ्ससँगको मैत्रीपुर्ण खेलबाट राष्ट्रिय टोलीमा ‘डेब्यु’ गर्नुभएको थियो ।

मनोनयनमा परेका खेलाडीलाई ई–सेवामार्फत एसएमएम भोटिङ, फेसबुक लाइक, खेलकुद मञ्चका सदस्यको भोट र राष्ट्रिय संघका मुख्य प्रशिक्षकको भोटको आधारमा विजेता छनोट गरिनेछ। भोटिङका लागि ई–सेवाको एप डाउनलोड गरी खेलाडीको प्रोफाइलमा गएर भोट गर्न सकिने मञ्चले जनाएको छ । भोटिङलाइन पुस २७ गते राति १२ः०० बजेसम्म खुला रहने छ।

सम्बन्धित समाचार

thumbnail

लुम्बिनीमाथि प्रदेश १ को सहज जित

काठमाडौं । प्रदेश नम्बर १ ले लुम्बिनी प्रदेशमाथि सानदार जित हात पारेको छ । काठमाडौंमा जारी ललितपुर मेयर्स महिला च्याम्पियनसीप अन्तर्गत आजको खेलमा प्रदेश नम्बर १ ले लुम्बिनीलाई १० विकेटले पराजित गरेको…

thumbnail

प्रथम कोरला कप :  पुरुषतर्फ घतान र महिलातर्फ नारच्याङ विजयी

म्याग्दी। म्याग्दी कोरला यातायात प्रा.लीको तेस्रो बार्षिकत्सवको अवसरमा आयोजित प्रथम कोरला कप भलिबलको उपाधि पुरुष तर्फ घतान र महिलातर्फ नारच्याङले जितेको छ । शनिबार सदरमुकाम बेनीस्थित खुल्लामञ्चमा सम्पन्न फाईनलमा बेनी नगरपालिकाकाे ९…

thumbnail

थ्री नेसन्स कपको उपाधि नेपाललाई

काठमाडौं । नेपालले त्रिदेशीय कप फुटबलको उपाधि जितेको छ।त्रिपुरेश्वरस्थित दशरथ रंगशालामा सोमबार भएको फाइनलमा बंगलादेशलाई २–१ गोलले पराजित गर्दै नेपालले उपाधि जितेको हो। नेपाली सिनियर टिमले अन्तर्राष्ट्रिय स्तरको प्रतियोगिताको उपाधि पाँच वर्षपछि…