काठमाडौँ । पछिल्लो २४ घण्टामा नेपालमा ५ हजार ७ सय २७ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार शुक्रबार देशभरका विभिन्न प्रयोगशालामा गरिएको परीक्षणमा ५ हजार ७ सय २७ जनामा संक्रमण पुष्टि भएको हो । योसँगै नेपालमा कोरोना भाइरसबाट संक्रमित हुनेको संख्या ३ लाख २३ हजार १ सय ८७ पुगेको छ भने सक्रिय संक्रमितको संख्या ३८ हजार ८ सय १३ रहेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ९ सय २८ जना संक्रमणमुक्त भएका छन् । हालसम्म निको हुनेको संख्या २ लाख ८१ हजार ९५ रहेको छ । पछिल्लो २४ घन्टामा कोरोना संक्रमणबाट थप ३३ जनाको मृत्यु भएको छ । नेपालमा कोरोनाबाट मृत्यु हुनेको संख्या ३ हजार २० रहेको छ ।
