काठमाडौँ । पछिल्लो २४ घण्टामा नेपालमा ३ सय ३२ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार बुधबार देशभरका विभिन्न प्रयोगशालामा गरिएको परीक्षणमा ३ सय ३२ जनामा संक्रमण पुष्टि भएको हो । योसँगै नेपालमा कोरोना भाइरसबाट संक्रमित हुनेको संख्या २ लाख ७९ हजार १ सय पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ७९ जना संक्रमणमुक्त भएका छन् । हालसम्म निको हुनेको संख्या २ लाख ७३ हजार ६ सय ८ रहेको छ । देशभर २ हजार ४ सय ५४ सक्रिय संक्रमित रहेका छन् । निको हुने दर ९८ प्रतिशत रहेको छ ।
मन्त्रालयकाअनुसार हालसम्म कोरोना संक्रमणबाट ३ हजार ३८ जनाको मृत्यु भएको छ ।
