मुख्य समाचार म्याग्दी न्युज विशेष रघुगंगा गाउँपालिका स्वास्थ्य

रघुगंगाका कोरोना संक्रमित विरामीको उपचारमा १ लाख १३ हजार रुपैयाँ बराबरको स्वास्थ्य सामाग्री सहयोग (भिडिओ)

म्याग्दी । म्याग्दीको रघुगंगा गाउँपालिकाका कोरोना संक्रमितको उपचारका लागि रु १ लाख १३ हजार बराबरको औषधी र स्वास्थ्य सामाग्री सहयोग गरिएको छ । रघुगंगा गाउँपालिका–३ मौवाफाँट घर भई हाल काठमाण्डौमा रहनुभएका समाजसेवीहरु शिब केसी, किशोर हमाल र धर्मराज सुवेदीले उक्त मुल्य बराबरको कोरोनाका विरामीको लागि आबश्यक पर्ने औषधी र ५ थान अक्सिमिटर उपलब्ध गराउनुभएको हो ।

 

सहयोगदातात्रयले उपलब्ध गराउनुभएको औषधी र स्वास्थ्य सामाग्री गाउँपालिका अध्यक्ष भब बहादुर भण्डारीले प्रमुख प्रशासकिय अधिकृत अमृत सुवेदी मार्फत कोभिड–१९ अस्थायी अस्पतालका लागि हस्तान्तरण गर्नुभएको छ । सहयोगदाता समाजसेवी केसीले यस अघि गत मंसिरमा गाउँपालिकाभित्रका सबै स्वास्थ्य संस्थामा पुग्ने गरि रु ७० हजार बराबरको १७ थान अक्सिमिटर र १५ सय थान मास्क उपलब्ध गराउनुभएको थियो ।

कोरोनाका विरामीहरुमा धडकन र अक्सिजनको मात्रामा समस्या आउन सक्ने भएकाले विरामीहरुको अबस्था पत्ता लगाउन र समस्या देखिएमा समयमै उपचार गराउन प्राप्त स्वास्थ्य सामाग्री र औषधीले सघाउने गाउँपालिकाका स्वास्थ्य संयोजक टिका बहादुर शाहीले जानकारी दिनुभयो । ‘‘डाक्टर र विशेषज्ञहरु मार्फत सिफारिस भएका औषधीहरु प्राप्त भएको छ, प्राप्त औषधीलाई कोभिड अस्पताल मार्फत विरामीहरुलाई आबश्यकता अनुसार उपलब्ध गराउन सुरु गरेका छौँ, ’’–स्वास्थ्य संयोजक शाहीले भन्नुभयो ।

सहयोगदाता मार्फत प्राप्त ओषधी र स्वास्थ्य सामाग्रीले कोरोना माहामारीमा जुधिरहेको गाउँपालिकालाई रचनात्मक सहयोग पुगेको भन्दै गाउँपालिका अध्यक्ष भण्डारीले धन्यबाद ज्ञापन गर्नुभयो । उहाँले महामारीको अबस्थालाई सामान्य बनाउन स्थानीय सरकार मात्रैको प्रयास सम्भव नहुने भएकाले सबै क्षेत्रको साथ, सहयोग, सहकार्यले मात्रै सम्भव रहेको भन्दै जनस्वास्थ्यका मापदण्ड पालना गर्न गाउँपालिकाबासीमा आह्वान गर्नुभएको छ ।

 

सम्बन्धित समाचार

thumbnail

एसइईको नतिजा साउन दोस्रो साता सार्वजनिक गर्ने तयारी

काठमाडौं । माध्यमिक शिक्षा परीक्षा (एसइई)मा सहभागी हुन आवेदन दिने विद्यार्थीको असार २० गतेभित्र आन्तरिक मूल्याङ्नका सबै कार्य पूरा गरी जिल्ला समन्वय एकाइ कार्यालयमा पठाइसक्नुपर्ने भएको छ । राष्ट्रिय परीक्षा बोर्डले विद्यार्थीको…

thumbnail

पूर्व प्रधानमन्त्री झलनाथ खनाल अस्पताल भर्ना

काठमाडौं । पूर्व प्रधानमन्त्री झलनाथ खनाल अस्पताल भर्ना हुनुभएको छ । ज्वरो र रगतमा हेमोग्लेविनको मात्रा कम भएपछि उनलाई सोमबार बिहान नर्भिक अस्पतालको आकस्मिक कक्षमा भर्ना गरिएको हो । अस्पताल स्रोतका अनुसार…

thumbnail

बेनी-जोमसोम सडक अवरुद्ध

बेनी । बेनी -जोमसोम सडक अवरुद्ध भएको छ । म्याग्दीको अन्नपूर्ण गाउँपालिका वडा नम्बर ३ दाना रुप्से छहरा स्थित सडकको हिलोमा ट्रक फसेपछि आइतबार सांझ देखी पुर्ण रुपमा सडक अवरुद्ध भएको हो…