दैलेखमा अलैंची उत्पादन वृद्धि

दैलेख । पछिल्लो समय दैलेखमा अलैंची खेतीको व्यवसाय बढ्दै गएको छ । कृषकहरुले व्यावसायिक रुपमा अलैंची खेती सुरु गरेसँगै उत्पादनमा वृद्धि हुँदै गएको हो । दैलेखका विभिन्न भू–भागमा लगाएको अलैंचीको उत्पादन बढ्दै गएपछि कृषकको आकर्षण पनि अलैंची खेतीमा उत्तिकै रहेको छ ।

गत वर्ष मात्रै दैलेखका विभिन्न स्थानीय तहबाट झण्डै एक करोड बढीको अलैंची निर्यात गरिएको भएपनि यस वर्ष उत्पादन अनुसार झण्डै अढाई करोड बढीको अलैंची निर्यात गर्ने व्यवसायीहरु बताउँछन् । अलैंची उत्पादनको राम्रो सम्भावना रहेका दैलेखको नौमूले, गुराँस, भगवतीमाई, महावु, डुङ्गेश्वर र भैरवी गाउँपालिकाकामा कृषकले अलैंची खेती गर्दै आएका छन् । कृषकले उत्पादन गरेको अलैंचीको उत्पादन निकै राम्रो भएकाले यो वर्ष दैलेखका ६ स्थानीय तहबाट २ करोड ५० लाख रुपैयाँबराबरको अलैंची निर्यात गर्ने तयारी थालिएको छ ।

विगतमा घरका आगनमा रहरले अलैंचीका बिरुवा लगाउने गरेको भएपनि यसको बजारीकरण राम्रो भएकाले कृषहरु अहिले व्यावसायीक रुपमा अलैंची खेतीतर्फ उन्मुख भएका छन् । अलैंची व्यवसायबाट राम्रो आम्दानी हुने भएकाले व्यावसायिक रुपमा अलैंची खेतीको सुरुवात गरेको नौमूले गाउँपालिका ५ की हिरा बुढाले बताउनुभयो । “पहिला कस्तो हुने रहेछ विचार गर्नु प¥यो भनेर एक–दुई वुटा घर आगनमा रहरले रोपेकी थिएँ” उहाँले भन्नुभयो, “अहिले यसको माग तथा आम्दानी राम्रो भएकाले व्यावसायिक रुपमा खेती गरेकी छु ।”

नौमूले गाउँपालिका र ग्रामिण जलस्रोत परियोजनाको साझेदारीमा नौमूलेका विभिन्न स्थानमा अलैंची खेती गरिएको गाउँपालिका ग्रामीण जलस्रोत परियोजना अधिकृत लोकबहादुर बोगटीले बताउनुभयो । उहाँका अनुसार व्यावसायिक रुपमा अलैंची खेती गरिरहेका कृषक समुहलाई यसै वर्ष अलैंची सुकाउने भट्टी वितरण गरिने कार्यक्रम रहेको छ ।

गाउँपालिकाका अध्यक्ष भदे बुढाले नौमूले गाउँपालिकाका अधिकांश स्थानमा अलैंची खेतीको राम्रो सम्भावना भएकाले कृषकलाई अलैंची खेतीमा आत्मर्निभर बनाउन गाउँपालिकाले कृषि क्षेत्रमा चासो दिएको बताउनुभयो । कृषकलाई व्यावसायिक रुपमा जागरुप बनाउन गाउँपालिकाले कृषि क्षेत्रमा विशेष बजेट विनियोजना गरेको अध्यक्ष बुढाले बताउनुभयो ।

कृषि विकास कार्यालय, ग्रामीण जलस्रोत व्यवस्थापन परियोजना, जिल्लास्थित विभिन्न संघसंस्थामार्फत स्वंय कृषकहरुले व्यक्तिगत रुपमा लगाएका अलैंचीका बिरुवाले यो वर्ष दिने सम्भावित उत्पादनको आंकडा गर्दा २ करोड ५० लाख रुपैयाँ भन्दा बढीको अलैंची निर्यात गर्न सकिने ग्रामीण जलास्रोत व्यवस्थापन परियोजना दैलेखका सल्लाहकार हरि सापकोटाले बताउनुभयो । ६ वटै स्थानीय तहका कृषि शाखा प्रमुखहरु, अलैंची उत्पादक किसानको संयुक्त छलफलबट झण्डै २ करोड ५० लाख बराबरको अलैंची उत्पादन हुने तथ्यांक निकालिएको हो ।

अलैंची उत्पादनमा देखिएका समस्या समाधानका उपाय र बजारीकरणका लागि परियोजनाले सरोकारवालासँग छलफल गरेको छ ।दैलेखका ६ स्थानीय तहमा करिब २ हजार ४ सय ७६ हेक्टर जमिनमा अलैंची खेती गरीएको छ । दैलेखमा अलैंचीको खेती विस्तार गरी ३ हजार ७ सय ८ रोपनी जमिनमा अलैंची खेती गर्न सकिने सम्भावना रहेको जनाइएको छ । karobardailyबाट

सम्बन्धित समाचार

thumbnail

भगवती कोतमा तीन लाख रुपैयाँमा ‘सरकारी राँगो’मार हान्ने खड्कालाई सम्मान

म्याग्दी। म्याग्दीको रघुगंगा गाउँपालिका–२ भगवतीस्थित भगवती कोतमन्दिरमा नवमीको दिनमा सरकारी रागोको मार हान्ने आर्यन खड्कालाई पुजा समिति र राखुबासीलेज्ञ भब्य सम्मान गरेका छन् । तीन लाख रुपैयाँ बोलकवोलमा सरकारी राँगो भगवती बयरी…

thumbnail

‘भारतको आर्थिक वृद्धि यो वर्ष दोहोरो अङ्कमा हुनेछ’

एजेन्सी । भारतका केन्द्रीय अर्थमन्त्री निर्मला सीतारमणले यो वर्ष भारतको आर्थिक वृद्धिदर १० प्रतिशत नजिक हुने दाबी गरेकी छन् । उनले भारत विश्वकै सबैभन्दा तीव्र गतिमा बढ्ने अर्थव्यवस्थामध्ये एक हुने बताएकी हुन्…

thumbnail

सरकारले बलिको पैसा दिँदैन, दरबारले पठाउन छाड्यो टीका र जमरा

कास्की । नेपालको शाहवंशीय राज्यसत्ता कास्कीबाट सुरु भएको हो । कास्कीकोट दरबारमा कुलमण्डन खाँले राज्य गरेपछि शाह वंशको सुरुआत भयो । पछि लमजुङबाट गोरखा हुँदै काठमाडौं बसाईं सरे । विस्तारै पुराना दरबारहरू…