नेकपा (एकीकृत समाजवादी) म्याग्दीको अध्यक्षमा विश्वकर्मा (तस्बिर सहित )

म्याग्दी । नेपाल कम्युनिष्ट पार्टी (एकिकृत समाजवादी) म्याग्दीको जिल्ला भेला तथा कमिटि घोषणा कार्यक्रम सम्पन्न भएको छ । भेलाबाट नेकपा एस म्याग्दीको अध्यक्षमा कृष्णकुमार विश्वकर्मा चयन हुनुभएको छ । बुधवार बेनीमा आयोजित पार्टीको जिल्ला भेलाबाट युवा नेता विश्वकर्मा अध्यक्षमा चयन हुनुभएको छ । भेलाले विश्वकर्माको अध्यक्षतामा ६१ सदस्यीय जिल्ला कमिटी घोषणा गरेको छ ।

युवा संघको केन्द्रिय राजनीतिमा समेत सक्रिय रहनुभएका विश्वकर्मा बेनी नगर कार्यपालिकाको सदस्य समेत हुनुहुन्छ । त्यसैगरि कमिटीको उपाध्यक्षमा हेमराज शर्मा, सचिबमा दुर्गा कार्की, सहसचिबमा जिवन सापकोटालाई चयन गरिएको छ । नेकपा एमाले विभाजन भएपछि म्याग्दीमा तीन जनप्रतिनिधिले एकिकृत समाजवादीमा सनाखत गरेपछि जिल्ला भेला तथा कमिटी गठनको प्रयास थालिएको थियो ।

नवनिर्वाचित अध्यक्ष विश्वकर्माले ६ महिनाभित्र जिल्लामा संगठन निर्माण र विस्तारको अभियान चलाउने कार्यतालिका बनाएको बताउँदै पार्टीलाई छोटो समयमै गतिशिल बनाउन आफु प्रयासरत रहने प्रतिबद्धता जनाउनुभयो ।उहाँले केपी ओलीले एमाले विभाजन संगै कम्युनिष्ट आन्दोलन र प्राप्त उपलब्धीहरु मास्न उद्धत रहेकाले पार्टीको पुनर्गठन गर्नुपरेको बताउनुभयो । भेलालाई सम्बोधन गर्दै पार्टीका केन्द्रिय सदस्य चुडामणी जंगलीले पार्टीका नेतामा कुशल नेतृत्व र असल नैतिकता हुनुपर्ने बताउँदै ओलीले नेतामा हुनुपर्ने दुबै गुण नबोकेको कारण पार्टी टुटफुट भएको बताउनुभयो ।

केपी ओलीले एउटै कार्यकालमा पार्टीलाई दुई पटक र जनताको सर्वोच्च निकाय संसदलाई दुई पटक असंवैधानिक तवरले विघटन गरेर राजनैतिक इमान र नैतिकता गुमानुको साथै गम्भिर राजनैतिक अपराध गरेको आरोप लगाउनुभयो ।भेलालाई सम्बोधन गर्दै पार्टीका केन्द्रिय सदस्य एवम् गण्डकी प्रदेश कमिटीका सचिब प्रतापलाल श्रेष्ठले ओलीले मुलुकलाई गम्भिर दुर्घटनातिर लैजान खोजेपनि माधव नेपालको अगुवाईमा नेपालको नयाँ संविधानलाई बचाउने र संसदलाई पुर्नजिविन गर्ने ऐतिहासिक काम भएको बताउनुभयो ।

कार्यक्रममा पूर्वराज्यमन्त्री रामजीप्रसाद शर्मा, प्राध्यापक डाक्टर हुमबहादुर बरुवाल, केन्द्रिय उद्योग विभागका सदस्य याम श्रेष्ठ, अमर बानियाँ लगायतले सत्यको बाटोमा लाग्नेहरुको संख्या कम भएपनि जनताको मनजित्ने एजेण्डा बोकेको पार्टी भएकाले छिट्टै पार्टीको संगठनले देखिने गरि विस्तार हुनेमा जोड दिनुभयो । नेता देउप्रसाद छन्त्यालको अध्यक्षता, कृष्णकुमार विश्वकर्माको स्वागत र रुद्र किसानको सञ्चालनमा भेला सम्पन्न भएको थियो ।

 

सम्बन्धित समाचार

thumbnail

कांग्रेस म्याग्दीको सचिवमा युवा नेता हिराबहादुर पुनको उम्मेद्धारी घोषणा

बेनी । नेपाली कांग्रेस म्याग्दीको सचिव पदका लागि युवा नेता हिराबहादुर पुनले उम्मेद्धारी घोषणा गर्नुभएको छ । २०४७ सालमा नेविसंघबाटै राजनितिक यात्रा सुरु गर्नुभएका पुनले बुधबार सामाजिक सञ्जाल फेसबुक मार्फत कांग्रेसको १४…

thumbnail

सम्पत्तिका लागि आफन्तबाटै महिलाको हत्या, शरीर टुक्राटुक्रा पारेर खोलामा बगाइयो

काठमाडौँ । ५५ वर्षीया एक महिलाको हत्या गरेको आरोपमा प्रहरीले झापाबाट चार जनालाई पक्राउ गरेको छ। झापा गाउँपालिका–१ माइती घर भई भारत किसनगञ्ज जिल्ला बस्ने धोन्नी टुडुको हत्या आरोपमा प्रहरीले चार जनालाई…

thumbnail

बुटवलका मेयरमाथि आक्रमण गर्ने युवालाई सार्वजनिक मुद्दा

रुपन्देही । बुटवल उपमहानगरपालिकाका प्रमुख शिवराज सुवेदीमाथि आक्रमण गर्ने युवालाई सार्वजनिक मुद्दा दायर गरिएको छ । सुवेदीमाथि आक्रमण गर्ने स्थानीय गणेश पंगेनीमाथि सार्वजनिक मुद्दा दायर गरिएको हो । सोमबार बिहान बुटवल–३ ज्योतिनगरको…