बालगृहलाई शैक्षिक र स्वास्थ्य सामग्री सहयोग(तस्बिर सहित )

म्याग्दी । म्याग्दीको बालगृहलाई शैक्षिक तथा स्वास्थ्य सामग्री वितरण गरिएको छ । राष्ट्रिय बाल दिवसको अवसरमा मंगलबार आयोजित एक कार्यक्रमका विच स्वास्थ्य कार्यालय म्याग्दीले स्वास्थ्य सामग्री र सामाजिका विकास कार्यालय म्याग्दीले शैक्षिक सामग्री सहयोग गरेका हुन् । उक्त सामग्री जिल्ला समन्वय समितिका प्रमुख देवेन्द्र बहादुर केसी र प्रमुख जिल्ला अधिकारी गणेशबहादुर अधिकारी लगायतले नेपाल बाल संगठन म्याग्दीका सचिव सन्दिप खत्री र बालगृहका बालबालिकालाई हस्तान्तरण गर्नुभएको हो ।

बालगृहमा रहेका एघार जना बालबालिकाहरुलाई सामाजिक विकास कार्यालयले स्टेशनरी र स्वास्थ्य कार्यालयले स्वास्थ्य सामग्री सहयोग गरेको सामाजिक विकास कार्यालय म्याग्दीका प्रमुख रमेश थापा मगरले बताउनुभयो । सोही अवसरमा स्वास्थ्य कार्यालयको प्राविधिक सहयोगमा बालगृहका बालबालिकाहरुको स्वास्थ्य परिक्षण समेत गरिएको छ । कार्यक्रममा जिसस प्रमुख केसीले सहयोग प्रति आभार व्यक्त गर्दै सबैले बालबालिकाको हित र अधिकारका लागि काम गर्नुपर्नेमा जोड दिनुभयो । उहाँले बालबालिका भविष्यको कर्णधार भएको बताउनुभयो । अनाथ बालबालिकाहरुको  शिक्षा, स्वास्थ्य र संरक्षण गर्न सबैकाे दायीत्व भएको उहाँको भनाई थियो ।समुदाय, सरकार तथा विद्यालय र स्वास्थ्य सेवा पनि बालमैत्री हुन आवश्यक रहेको उहाँले बताउनुभयो ।

कार्यक्रममा प्रजिअ अधिकारीले सहयोगप्रति आभार व्यक्त गर्दै बाल दिवसको शुभकामना व्यक्त गर्नुभयो ।स्वास्थ्य कार्यालयको प्राविधिक सहयोग र सामाजिक विकास कार्यालय म्याग्दीको आयोजनामा संचालित कार्यक्रमको संचालन कार्यालय प्रमुख थापा मगरले गर्नुभएको थियो । कार्यक्रममा बेनी नगरपालिकाका प्रमुख प्रशासकीय अधिकृत छविलाल सुवेदी ,स्वास्थ्य कार्यालयका निमित्त प्रमुख एकनारायण लम्साल ,बेनपा–७ ,का वडा अध्यक्ष राजेन्द्रकुमार श्रेष्ठ र बेनी सामुदायीक माविका प्रअ दिपक श्रेष्ठ लगायतको सहभागिता रहेको थियो ।

 

सम्बन्धित समाचार

thumbnail

कांग्रेस म्याग्दीको सचिवमा युवा नेता हिराबहादुर पुनको उम्मेद्धारी घोषणा

बेनी । नेपाली कांग्रेस म्याग्दीको सचिव पदका लागि युवा नेता हिराबहादुर पुनले उम्मेद्धारी घोषणा गर्नुभएको छ । २०४७ सालमा नेविसंघबाटै राजनितिक यात्रा सुरु गर्नुभएका पुनले बुधबार सामाजिक सञ्जाल फेसबुक मार्फत कांग्रेसको १४…

thumbnail

सम्पत्तिका लागि आफन्तबाटै महिलाको हत्या, शरीर टुक्राटुक्रा पारेर खोलामा बगाइयो

काठमाडौँ । ५५ वर्षीया एक महिलाको हत्या गरेको आरोपमा प्रहरीले झापाबाट चार जनालाई पक्राउ गरेको छ। झापा गाउँपालिका–१ माइती घर भई भारत किसनगञ्ज जिल्ला बस्ने धोन्नी टुडुको हत्या आरोपमा प्रहरीले चार जनालाई…

thumbnail

बुटवलका मेयरमाथि आक्रमण गर्ने युवालाई सार्वजनिक मुद्दा

रुपन्देही । बुटवल उपमहानगरपालिकाका प्रमुख शिवराज सुवेदीमाथि आक्रमण गर्ने युवालाई सार्वजनिक मुद्दा दायर गरिएको छ । सुवेदीमाथि आक्रमण गर्ने स्थानीय गणेश पंगेनीमाथि सार्वजनिक मुद्दा दायर गरिएको हो । सोमबार बिहान बुटवल–३ ज्योतिनगरको…