अबको निर्वाचनमा माओवादीले जमानत पनि जोगाउन सक्दैन : पोखरेल

काठमाडौँ । नेकपा (एमाले)का नेता शंकर पोखरलले पुष्पकमल दाहाल ‘प्रचण्ड’को भ्रममा परेर पछि लाग्दै आफ्नो भविष्य बर्वाद नपार्न सबै माओवादी नेता कार्यकर्तालाई अपिल गर्नुभएको छ ।

गृह जिल्ला दाङस्थित नेकपा (एमाले) बबई गाउँपालिका कमिटीले बुधबार आयोजना गरेको बडादसैँ, दिपावली र छठ पर्वको शुभकामना आदानप्रदान कार्यक्रमलाई सम्बोधन गर्दै पूर्वमुख्यमन्त्री समेत रहेका एमाले स्थायी कमिटी सदस्य पोखरेलले यस्तो सुझाव दिनुभएके हो।

“पहिलो संविधानसभामा माओवादी जताततै छायो, दोस्रो संविधानसभामा आउँदाखेरि हरायो, स्थानीय चुनावमा जिल्लाभरि खोज्दा पनि कहीँ भेटिएन । पहाडको टाकुरामा भेटियो । अबको निर्वाचनमा माओवादीले जमानत पनि जोगाउन सक्दैन । यो सच्चाइ हो,” उहाँले भन्नुभयो । पोखरेलले प्रचण्ड षड्यन्त्र गरेर सदैव नेतृत्व हत्याउने काममै सीमित रहेकाले सो पार्टी जनताका लागि नभइ प्रचण्डका लागि मात्रै भएको उहाँले बताउनुभयो ।

सधैभरि आफू नेता भइरहनका लागि प्रचण्डले षड्यन्त्र गरेको र अहिले पनि त्यस्तै षड्यन्त्रमा रहेकाले प्रचण्डबाट अब उज्याले होइन, अध्यारो मात्रै हात लाग्ने बताउनुभयो । प्रचण्डले उत्तराधिकार घोषणा नगर्ने हुँकार गरेर माओवादीमा आफू बाँचुञ्जेल पार्टी नेतृत्वमा रहने घोषणा गरेको र माओवादीमा अरुको हैसियत नरहेको बताउनुभयो । नागरिक खबरबाट

 

सम्बन्धित समाचार

thumbnail

भगवती कोतमा तीन लाख रुपैयाँमा ‘सरकारी राँगो’मार हान्ने खड्कालाई सम्मान

म्याग्दी। म्याग्दीको रघुगंगा गाउँपालिका–२ भगवतीस्थित भगवती कोतमन्दिरमा नवमीको दिनमा सरकारी रागोको मार हान्ने आर्यन खड्कालाई पुजा समिति र राखुबासीलेज्ञ भब्य सम्मान गरेका छन् । तीन लाख रुपैयाँ बोलकवोलमा सरकारी राँगो भगवती बयरी…

thumbnail

थप ३६५ जनामा कोरोना संक्रमण, ४ को मृत्यु

काठमाडौँ । पछिल्लो २४ घण्टामा नेपालमा ३ सय ६५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ५ हजार ५ सय ९४ जनाको नमूना परीक्षण गर्दा उक्त संख्यामा…

thumbnail

साफ च्याम्पियनसिप : नेपाल पहिलो पटक फाइनलमा

काठमाडौं । नेपाल पहिलो पटक साफ च्याम्पियनसिप फुटबलको फाइनलमा प्रवेश गरेको छ । माल्दिभ्समा बुधबार भएको आफ्नो समूह चरणको अन्तिम खेलमा बंगलादेशसँग १-१ को बराबरी खेलेपछि नेपालले इतिहास रचेको हो । सन्…