जनकपुर । प्रदेश २ का सांसद शत्रुधन महताले आफ्ना जनताको काम गर्न केन्द्र सरकारको मुख ताक्न नहुने बताउनुभएको छ । बुधबार प्रदेशसभाको सातौँ अधिवेशनको पहिलो बैठकलाई सम्बोधन गर्दै उहाँले जनताको आवश्यकता पूरा गर्न केन्द्र सरकारलाई कुर्न नहुने बताउनुभयो ।
‘केन्द्र सरकारले गरेन भन्दैमा जनताको आवश्यकता पूरा नगर्ने भन्ने होइन । यसैका लागि संघीयतामा गएका हौँ । मलखादजस्ता आवश्यकता प्रदेश सरकारले पूरा गर्नुपर्छ’, उहाँले भन्नुभयो, जनताको काम गर्न केन्द्र सरकारलाई कुरिरहनुपर्दैन ।’
प्रदेश २ मा निकै भ्रष्टाचार र अनियमितता हुने गरेको भन्दै उनले यस्ता कार्यलाई रोक्नुपर्ने बताउनुभयो । साइलक, बस, वारुणयन्त्र खरिदमा भएको अनियमितताबारे प्रदेश जनता जानकार रहेको भन्दै उहाँले यस्ता कार्यलाई रोकेर प्रदेशको विकास र समृद्धि गर्नुपर्ने बताउनुभयो । नागरिक खबरबाट
