बेनी,बुधबार असार १८ गते । म्याग्दीको बेनी नगरपालिका–२ दुधेखोलाका दुई बालक नदिमा पौडी खेल्ने क्रममा मंगलबार साँझदेखी बेपत्ता भएका छन् । मंगलबार साँझ ५ बजेतिर म्याग्दी नदिमा पौडी खेल्न गएका दुई बालक नदिमा बेपत्ता भएका हुन्.।
बेपत्ता ह्नेमा बागलुङ जिल्ला काठेखोला गाउँपालिका ८ लेखानी घर भई हाल बेनी नगरपालिका २ दुधेखोला डेरामा बस्दै आएका ८ बर्षिय डेवित काउचा र बेनी नगरपालिका– ३ हलेगौडाका ८ बर्षिय प्रदिप रोका रहेको जिल्ला प्रहरी कार्यलय म्याग्दीका सुचना अधिकारी प्रहरी निरिक्षक लक्ष्मण देवकोटाले जानकारी दिनुभयो।
म्याग्दी नदिमा पौडी खेलेर किनाराको बालुवामा भाँडाकुती खेल्ने क्रममा नदिमा हराएको जानकारी दिइएपछि मात्र बेपत्ता भएको घटना बाहिर आएको हो साँझ देखी खोजी गरेपनि फेला नपरेकाले प्रहरीले आज बिहानदेखि नदी आसपासको क्षेत्रमा खोजी कार्य भइरहेको जनाएको छ ।
