काठमार्डौं । लुटपाटको अभियोगमा दरवारमार्गस्थित आँधिखोला दोहोरी साँझमा काम गर्ने दुईजनालाई प्रहरीले पक्राउ गरेको छ । पक्राउ पर्नेहरुमा बझाङ जयपृथ्वी नगरपालिका १ घर भई नयाँ बानेश्वर बस्ने २१ वर्षीय सुनिलबहादुर सिंह र सिन्धुपाल्चोकको साँगाचोकगढी नगरपालिका २ घर भई कोटेश्वर बस्ने ३४ वर्षीय कृष्णबहादुर श्रेष्ठ छन् ।
पक्राउ परेका सिंह र श्रेष्ठ सोही दोहोरी साँझमा कार्यरत कर्मचारी हुन् । उनीहरुको साथबाट सुनको सवा तीन तोलाको सिक्री, सुनको अन्दाजी दुई तोलाको बेरुवा औठी, साढे एक तोलाको ब्रासलेट बरामद भएको महानगरीय प्रहरी परिसर काठमाडौंका प्रवक्ता एसपी रमेशकुमार बस्नेतले जानकारी दिए । नागरिक खबरबाट साभार
