काठमाडौं । नेकपाकी केन्द्रीय सदस्य रामकुमारी झाँक्रीलाई प्रहरीले पक्राउ गरेको छ । आफ्ना समर्थकहरुलाई संक्षिप्त संबोधन गरेर झाँक्रीले पक्राउ दिएकी छिन् ।
झाँक्रीलाई शंखमुलस्थित उनको निवासबाट महानगरीय अपराध महाशाखाको प्रहरी टोलीले नियन्त्रणमा लिएका हो । उनीमाथि राज्यविरुद्ध अपराध गरेको आरोपसहित पक्राउ गरिएको हो । झाँक्रीलाई पक्राउ गर्न महाशाखाका डिएसपी दुर्गाराज रेग्मीको अगुवाइमा दर्जनभन्दा बढी प्रहरी अधिकारी उनको निवासमा पुगेका थिए ।
केहीदिनअघि गोरखामा भएको प्रतिनिधिसभा विघटनविरुद्धको कार्यक्रमलाई संवोधन गर्दै नेतृ झाँक्रीले प्रधानमन्त्री केपी शर्मा ओलीको असंवैधानिक कदमलाई सदर गरेको भन्दै राष्ट्रपति भण्डारीको आलोचना गरेकी थिइन् । नागरिक खबरबाट
