बेनी । नेपाली कांग्रेसका वरिष्ठ नेता रामचन्द्र पौडेल म्याग्दीमा आउनुभएको छ । पुर्व जिल्ला सभापति डा. भुपेन्द्र बहादुर खड्काको छैठौं पुन्यतिथिको अवसरमा भोली सदरमुकाम बेनीमा आयोजना हुने श्रद्धाञ्जली सभालाई सम्बोधन गर्न वरिष्ठ नेता पौडेल शनिबार साँझ म्याग्दी आउनुभएको हो । साँझ बेनी आउनुभएका नेता पौडेललाई जिल्ला सभापति खमबहादुर गर्बुजा खम्बिर ,संविधानसभा सदस्य रेशमबहादुर बानियाँँ,पुर्व जिल्ला सहसभापति नेत्रबहादुर महत ,उपसभापति माधवप्रसाद रेग्मी ,सचिवद्धय हरिकुमार श्रेष्ठ र क्याप्टेन मिनबहादुर कार्की, जिल्ला सदस्य केबी भण्डारी र नेपाल महिला संघ म्याग्दीकी अध्यक्ष बिमला गौचन लगायत जिल्ला प्रहरी कार्यालय र प्रशासनको टोलीले पार्टी कार्यालयमा स्वागत गरेको छ ।
याे पनि
आइतबार विहान ११ बजे जिल्ला समन्वय समितिको सभाहलमा श्रद्धाञ्जली सभाको आयोजना हुने सचिव क्याप्टेन कार्कीले जानकारी दिनुभयो । पुर्व जिल्ला सभापति डा.खड्काको उपचारको क्रममा काठमाडौं स्थित सैनिक अस्पताल छाउनीमा मंगलबार विहान राति चार बजे ८० बर्षको उमेरमा निधन भएको थियो ।
