काठमाडौं । पछिल्लो २४ घन्टामा नेपालमा १ सय २५ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको संख्या २ लाख ७५ हजार ७ सय ५० पुगेको स्वास्थ्य तथा जनसंख्या मन्त्रालयले जनाएको छ । यीमध्ये एक हजार एक जना सक्रिय संक्रमित अवस्थामा रहेका छन् ।
यस्तै, शुक्रबार १२३ जना संक्रमित निको भएर घर फर्किएका छन् ।। पछिल्लो २४ घन्टामा संक्रमणमुक्त भएका १ सय २३ जनासँगै देशभर कोरोना जित्नेको संख्या २ लाख ७१ हजार ७ सय ३३ जना पुगेको छ । निको हुने दर ९८.५ प्रतिशत रहेको छ ।
यस्तै पछिल्लो २४ घण्टामा नेपालमा कोरोनाबाट एक जनाको मृत्यु भएको छ । योसँगै नेपालमा कोरोनाबाट मृत्यु हुनेहरुको संख्या ३ हजार १६ पुगेको छ ।
मुलुकभर १ हजार १ जना संक्रमित आइसोलेसनमा रहेका छन् भने ५१ जना क्वारेन्टाइनमा रहेको मन्त्रालयले जनाएको छ । हालसम्म नेपालमा २२ लाख ३० हजार ७ सय ८ पीसीआर परीक्षण भएका छन् ।
