काठमाडौं । पछिल्लो २४ घण्टामा देशभर ८ हजार ९ सय ८० जनामा कोरोना संक्रमण पुष्टि भएको छ । संक्रमित हुनेको कुल संख्या ५ लाख ५ हजार ६ सय ४३ पुगेको छ । यीमध्ये १ लाख १५ हजार ८ सय ६ जना सक्रिय संक्रमित अवस्थामा रहेका छन् । मन्त्रालयका अनुसार २० हजार १०५ जनामा गरिएको परीक्षणमा ८ हजार ९ सय ८० जनामा संक्रमण पुष्टि भएको हो ।
पछिल्लो २४ घण्टामा कोरोनाभाइरसबाट १ सय २९ जनाले ज्यान गुमाएका छन् । यो संगै कारोनाबाट ज्यान गुमाउनेको संख्या ६ हजार १ सय ५३ पुगेको छ ।
यस्तै पछिल्लो २४ घण्टामा ८ हजार ८ सय ४८ जनाले कोरोना जितेका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार निको हुने संख्या ३ लाख ८३ हजार ६ सय ८४ पुगेको छ । निको हुने दर ७५.८ प्रतिशत रहेको छ ।
