धनगढी । धनगढीमा मोटरसाइकलले ठक्कर दिंदा साइकल यात्रीको मृत्यु भएको छ । आइतबार साँझ धनगढीको चौराहामा से ५ प २६७१ नम्बरको मोटरसाइकलले ठक्कर दिंदा घाइते भएका साधुराम डगौराको मृत्यु भएको हो ।
भजनी नगरपालिका–१ का साइकलयात्री डगौराको उपचारका क्रममा सेती प्रादेशिक अस्पतालमा मृत्यु भएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतीक बिष्टले जानकारी दिनुभयो ।
दुर्घटनामा घाइते भएका मोटरसाइकल चालक धनगढी उपमहानगरपालिका–६ का २२ वर्षीय मोहनप्रसाद जोशी र २२ वर्षीय माधवप्रसाद भट्ट गम्भीर घाइते भएको उहाँले बताउनुभयो । दुवै जनाको धनगढीको निसर्ग अस्पतालमा आईसीयूमा राखेर उपचार भइरहेको छ । अनलाइनखबरबाट
