काठमाडौं । पछिल्लो २४ घण्टामा देशभर २ हजार ९ सय १८ जनामा कोरोना संक्रमण पुष्टि भएको छ । मन्त्रालयका अनुसार पिसिआर विधिबाट २ हजार ४९ जना र एन्टिजेन विधिबाट ८ सय ६९ जनागरी २ हजार ९ सय १८ जनामा कोरोना संक्रमण पुष्टि भएको हो ।
हालसम्म देशभर पिसिआर विधिबाट ६ लाख १० हजार ५ सय २१ जना र एन्टिजेन विधिबाट २१ हजार ३ सय ३९ जना कोरोना संक्रमित भएका छन् ।
पछिल्लो २४ घण्टामा कोरोनाभाइरसबाट ५३ जनाले ज्यान गुमाएका छन् । यो संगै कोरोनाबाट ज्यान गुमाउनेको संख्या ८ हजार ४ सय ६५ पुगेको छ ।यस्तै पछिल्लो २४ घण्टामा ५ हजार १ सय ४७ जनाले कोरोना जितेका छन् । यो संगै कारोना संक्रमणमुक्त हुनेको संख्या ५ लाख ३६ हजार २ सय ५२ रहेको छ । हाल कोरोना निको हुने दर ८७.८ रहेको छ ।
