काठमाडौं । प्रहरीले मकवानपुरमा १४३ किलो ३०० ग्राम गाँजा बोकेको कन्टेनर गाडीसहित तीन जनालाई पक्राउ गरेको छ। हेटौंडा उपमहानगरपालिका वडा नम्बर ११ थाना भर्याङबाट गाँजासहित तीन जनालाई बिहीबार बिहान पक्राउ गरेको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले जानकारी दिनुभयो।
मनहरीबाट हेटौंडा आउँदै गरेको ना १ ख ९९१० नम्बरको कन्टेनर गाडीलाई प्रहरीले रोकेरबाट चेक गरेको थियो। प्रहरीले चेक गर्दा क्याबिनभित्र १४३ किलो ३०० ग्राम गाँजा १२ वटा पोकामा राखिएको अवस्थामा फेला पारेको हो।
चालक सिन्धुपाल्चोक बाह्रबिसे नगरपालिका वडा नम्बर ५ सिगार्सेका २८ वर्षीय सनकबहादुर तामाङ, सह-चालक २४ वर्षीय सोमे तामाङ र मकवानपुर राक्सिराङ गाउँपालिका वडा नम्बर १ गल्छराङका १८ वर्षीय सविन तामाङ पक्राउ परेका हुन्। उनीहरूमाथि प्रहरीले थप अनुसन्धान गरिरहेको छ। सेतोपाटीबाट
