पछिल्लो २४ घण्टामा थप २ हजार ४ सय ४२ जनामा कोरोना संक्रमण भएको छ । स्वास्थ्य तथा जनसंख्या मन्त्रालयका अनुसार ६ हजार ६ सय ७७ आरटी पिसिआर र ४ हजार २ सय ४९ एन्टिजेन विधिबाट परिक्षण गर्दा जम्मा २ हजार ४ सय ४२ जनामा कारोना संक्रमण पुष्टि भएको हो ।
हालसम्म नेपालमा ६ लाख २२ हजार ७७ जनामा कोरोना संक्रमण पुष्टि भएको छ । हाल देशभर सक्रिय संक्रमितको संख्या ५५ हजार ५ सय ३२ रहेका छन् । मन्त्रालयका अनुसार संक्रमणदर २१.३ प्रतिशत छ ।
पछिल्लो २४ घण्टामा कोरोनाभाइरसबाट ५१ जनाले ज्यान गुमाएका छन् । यो संगै कोरोनाबाट ज्यान गुमाउनेको संख्या ८ हजार ७ सय २६ पुगेको छ ।यस्तै पछिल्लो २४ घण्टामा ३ हजार ४ सय ५६ जनाले कोरोना जितेका छन् । यो संगै कारोना संक्रमणमुक्त हुनेको संख्या ५ लाख ५६ हजार ७ सय ९८ रहेको छ ।
