बागलुङ । बागलुङको बडिगाडमा एक पुरुषले झुण्डिएर आत्महत्या गरेका छन् । जिल्लाको बडिगाड गाउँपालिका वडा नम्बर ७ का ५० वर्षीय ओमबहादुर बोहोराले घर नजिकैको खिर्योको रुखमा झुण्डिएर आत्महत्या गरेको वडा अध्यक्ष कृष्ण गुरुङले जानकारी दिनुभयो ।
केही समयदेखि डिप्रेसनबाट ग्रसित बोहोर बुधबार आफ्नै घर छेउमा झुण्डिएको अवस्थामा मृत फेला परेका थिए । स्थानीयले मृत झुण्डिएको अवस्थामा मृत फेला पारेपछि परिवारलाई खबर गरेका थिए । परिवारले थाहा पाए लगत्तै वडा प्रहरी र वडा कार्यालयमा खबर आएको गुरुङले बताउनुभयो ।
मृत अवस्थामा फेला परेका बोहोरालाई प्रहरी र स्थानीयले उद्धार गरि पोस्टमार्टको लागि बुर्तिबाङ प्राथमिक स्वास्थ्य केन्द्रमा लगिएको वडा अध्यक्ष गुरुङले जानकारी दिनुभयो । घटनाको विषयमा थप अनुसन्धान भई रहेको प्रहरीले जनाएको छ । baglungpostबाट
