काठमाडौँ । पछिल्लो २४ घण्टामा थप २ हजार ६ सय ३६ जनामा कोरोना संक्रमण भएको छ । स्वास्थ्य तथा जनसंख्या मन्त्रालयका अनुसार ७ हजार २ सय ५९ आरटी पिसिआर र ४ हजार ४ सय ८९ एन्टिजेन विधिबाट परिक्षण गर्दा जम्मा २ हजार ६ सय ३६ जनामा कारोना संक्रमण पुष्टि भएको हो ।
हालसम्म नेपालमा पिसिआर विधिबाट ६ लाख ३६ हजार ९ सय १६ जनामा र एन्टिजेन विधिबाट ३३ हजार ९सय ४१ जनामा कोरोना संक्रमण पुष्टि भएको छ । हाल देशभर सक्रिय संक्रमितको संख्या ३५ हजार ३१० जना रहेको छ ।
पछिल्लो २४ घण्टामा कोरोनाभाइरसबाट २० जनाले ज्यान गुमाएका छन् । यो संगै कोरोनाबाट ज्यान गुमाउनेको संख्या ९ हजार ७१ पुगेको छ ।यस्तै पछिल्लो २४ घण्टामा ४ हजार ३ सय ४८ जनाले कोरोना जितेका छन् । यो संगै कारोना संक्रमणमुक्त हुनेको संख्या ५ लाख ९२ हजार ५ सय ३५ रहेको छ ।मन्त्रालयका अनुसार निको हुनेको दर ९३ प्रतिशत छ ।
