दाङ । तुलसीपुरको दमारगाउँबाट ब्राउन सुगरसहित एक युवक पक्राउ परेका छन्। तुलसीपुर उपमहानगरपालिका वडा नं. ६ का २७ वर्षीय रमेश पन्त ९ ग्राम प्रतिबन्धित लागूऔषध ब्राउन सुगरसहित शनिबार बेलुका ८ बजे पक्राउ परेका हुन्।
नेपालगञ्जबाट ट्याक्सी बुक गरि एक्लै आउँदै गरेका पन्तलाई शंका लागेर तुलसीपुर १३ दमारगाउँस्थित प्रहरी चेकप्वान्टमा चेकजाँच गर्ने क्रममा उक्त परिमानमा ब्राउन सुगर बरामद भएको इलाका प्रहरी कार्यालय तुलसीपुरका प्रबक्ता प्रहरी निरीक्षक झलक शर्माले जानकारी दिनुभयो ।
पक्राउ परेका पन्तलाई म्याद थपका लागि दाङ जिल्ला अदालत घोराहीमा लगिएको शर्माले बताउनुभयो । पक्राउ परेका युवक बिरुद्ध लागूऔषध सम्बन्धि मुद्दा चलाइ आवश्यक अनुसन्धान सुरु गरिएको प्रहरीले जनाएको छ ।भाडाको ट्याक्सी र चालकपनि नियन्त्रणमा रहेको हुँदा चालकको सम्लग्नता भए नभएको बारे अनुसन्धान जारी रहेको शर्माले बताउनुभयो। setopati
