काठमाडौं । बर्दियामा ब्राउन सुगरसहित एक जना पक्राउ परेका छन्। मधुबन नगरपालिका वडा नम्बर ९ मा ३६ वर्षीय कमल शर्मालाई प्रहरीले पक्राउ गरेको जिल्ला प्रहरी कार्यालयका प्रहरी उपरीक्षक ईश्वर कार्कीले जानकारी दिनुभयो।
उनलाई प्रहरीले शनिबार दिउँसो पक्राउ गरेको हो। मधुबन-९ चोक नम्बर १२ सिर्जनशील टोलको हुलाकी सडक खण्डमा बस्ने शर्माबाट १० ग्राम ४२० मिलिग्राम ब्राउन सुगर बरामद गरेको हो।
ब्राउन सुगरको कारोबार भइरहेको छ भन्ने सूचनाको आधारमा खटिएको टोलीले शर्मालाई पक्राउ गरेको हो। शर्मामाथि लागु औषध मुद्दामा आवश्यक अनुसन्धान अघि बढाएको छ। बर्दियामा अहिलेसम्म यो आर्थिक वर्षमा २६ वटा लागुऔषधको मुद्दा दर्ता भएको छ।
यसैक्रममा ४ किलो १५३ ग्राम गाँजा, ५ किलो ६९६ ग्राम चरेस, २६ किलो५०० ग्राम अफिम, ५६ ग्राम ९१०मि।ग्रा ब्राउन सुगर, ७४८ गोटा ट्याब्लेट सहित ३८ जनालाई पक्राउ गरेको छ। उनीहरूलाई कारबाही समेत गरीसकेको प्रहरीले जनाएको छ। सेतोपाटीबाट
