झापा । झापाको गौरादहमा एक जना महिलाको शव फेला परेको छ।आदिवासी समुदायकी ती महिलाको शव घरमा फेला परेको जिल्ला प्रहरी कार्यालय झापाले जनाएको छ।
स्थानीय वडा नम्बर-१ गेउरिया चोककी ३९ वर्षीया संगीता टुडुको शव भेटिएको जिल्ला प्रहरी कार्यालय झापाका प्रवक्ता प्रहरी नायब उपरीक्षक राकेश थापाले बताउनुभयो । प्रहरीका अनुसार बुधबार बेलुका श्रीमान-श्रीमतीबीच झगडा भएको थियो। मृतक महिलाका श्रीमान फरार रहेकाले प्रहरीले खोजी कार्य अघि बढाएको छ।
‘हिजो साँझ श्रीमान-श्रीमतीले सँगै बसेर मदिरा सेवन गरेका थिए,’स्थानीय छिमेकीको भनाइ उद्धृत गर्दै थापाले भने, ‘मदिरा सेवन गरिरहेकै बेलामा घरायसी विषयलाई लिएर हानाहान हुँदा श्रीमतीको मृत्यु भएको हो।’घटनामा हतियार प्रयोग नभएको प्रहरीले बताएको छ। हातखुट्टा प्रहारबाटै श्रीमतीको मृत्यु भएको प्रारम्भिक अनुसन्धानले देखाएको प्रहरीले जनाएको छ। सेतोपाटीबाट
