काठमाडौं । सत्तारुढ नेपाली कांग्रेस संसदीय दलको बैठक आज बस्दै छ । बैठक दिउँसो २ बजे नयाँ बानेश्वरस्थित संसद् भवनमा बस्ने भएको छ ।
पार्टी सभापति एवम् संसदीय दलका नेता शेर बहादुर देउवा प्रधानमन्त्री बनेपछि दलको पहिलोपटक बैठक बस्न लागेको हो । संसदीय दलको बैठक आइतबार दिउँसो २ बजे नयाँ बानेश्वरस्थित संसद् भवनमा बस्न लागेको सांसद् डिला संग्रौलाले जानकारी दिनुभयो ।
बैठकमा समसामयिक राजनीतिक परिस्थितिमा पार्टीले सदनमा निर्वाह गर्नुपर्ने भूमिकाका विषयमा छलफल हुने बताइएको छ । साथै, बैठकमा विश्वासको मत, सरकारको प्रभावकारिता र मन्त्री छनोटलगायतका विषयमा पनि छलफल हुने बताइएको छ । नागरिक खबरबाट
