काठमाडौं । बितेको २४ घण्टामा देशभर ३ हजार १ सय ८ जनामा कोरोनाभाइरस संक्रमण पुष्टि भएको छ । सोही अवधिमा १ हजार ५ सय ९५ जना संक्रमणमुक्त भएका छन् । स्वास्थ्य तथा जनसंख्या मन्त्रालयले दिएको जानकारी अनुसार बितेको २४ घण्टामा १३ हजार १ सय ३५ जनामा परीक्षण गर्दा ३ हजार १ सय ८ जनामा संक्रमण पुष्टि भएको हो ।
यस्तै देशभर कोरोनाबाट थप २५ जनाले ज्यान गुमाएका छन् । यससँगै देशभर कोरोनाबाट हालसम्म मृत्यु हुनेको कुल संख्या ९ हजार ६ सय ७ पुगेको छ।हालसम्म कोरोना संक्रमितको कुल संख्या ७ लाख नाघेको छ । पीसीआर विधिबाट भएको परीक्षणमा हालसम्म ६ लाख ७० हजार ९ सय ५३ जनामा संक्रमण पुष्टि भएको छ भने एन्टिजेन विधिबाट ५० हजार ६ सय ६४ जनामा संक्रमण पुष्टि भएको छ । यस्तै हालसम्म संक्रमितमध्ये ६ लाख ३४ हजार ९ सय २७ जना निको भएका छन् ।
