झापा । पूर्वपश्चिम राजमार्ग अन्तर्गत झापाको कमल गाउँपालिकास्थित चुलाचुली मोडमा शुक्रबार दिउँसो यात्रुबाहक बसको ठक्करबाट एक जनाको घटनास्थलमै मृत्यु भएको छ।
पूर्वबाट पश्चिम जाँदै गरेको मे १ ख ६७६२ नम्बरको यात्रुबाहक बसको ठक्करबाट मोरङ उर्लाबारी नगरपालिका वडा नम्बर ६ का ५० वर्षीय हेमसागर थापाको घटनास्थलमै मृत्यु भएको हो।
जिल्ला ट्राफिक प्रहरी कार्यालय झापाका अनुसार मे ३ प ९४४९ नम्बरको मोटरसाइकलमा पश्चिमबाट पूर्व सवार थापालाई बसले १ बजेतिर ठक्कर दिएको थियो।
जिल्ला ट्राफिक प्रहरी कार्यालय झापाका अनुसार थापाको घटनास्थलमै मृत्यु भएको हो।दुर्घटना गराउने बस र सोका चालक मोरङको उर्लाबारी नगरपालिका वडा नम्बर-७ बस्ने सपतलाल धिमाल पक्राउ परेका छन्। सेतोपाटीबाट
