काठमाडौँ । पछिल्लो २४ घण्टामा नेपालमा ५ सय ४९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पीसीआर विधिबाट ७ हजार १ सय ४५ र एन्टिजेन विधिबाट २ हजार ६ सय १ जनामा भएको परीक्षणमा जम्मा ५ सय ४९ जनामा कोरोना संक्रमण पुष्टि भएको हो ।
यस्तै कोरोना संक्रमणका कारण पछिल्लो २४ घण्टामा ६ जनाको मृत्यु भएको छ । योसंगै कोरोनाका कारण नेपालमा मृत्यु हुनेको संख्या ११ हजार ३ सय ८८ पुगेको छ । यस्तै पछिल्लो २४ घण्टामा ५ सय ६९ जना निको भएका छन् । मन्त्रालयका अनुसार हालसम्म ७ लाख ९० हजार ३ सय ५८ संक्रमित निको भएका छन् । नेपालमा हाल सक्रिय संक्रमितको संख्या १० हजार १ सय ५१ रहेको छ ।
