काठमाडौं । पाल्पामा सोमबार बिहान जिप दुर्घटना हुँदा पाँच जना घाइते भएका छन्। घाइते हुनेमा पूर्वखोला गाउँपालिका–६ हेक्लाङका ३० वर्षीय टेकबहादुर पल्ली, २८ वर्षीय पूर्णबहादुर फाल, १९ वर्षीय चिरञ्जीवी सारु, २९ वर्षीय प्रेम सिञ्जाली र ४६ वर्षीया पविसरा सारु रहेका छन्। घाइतेमध्ये पूर्णबहादुर र चिरञ्जीवीको अवस्था गम्भीर रहेको जिल्ला प्रहरी कार्यालय पाल्पाले जनाएको छ।
हेक्लाङबाट तानसेन जाँदै गरेको लु१ज २६०७ नम्बरको जिप अनियन्त्रित भएर सडकबाट करिब १५० मिटर तल खसेको थियो।दुर्घटनास्थल पूर्वखोला गाउँपालिका–६ लाँकुरीस्थित सेर्काबास–हेक्लाङभित्रको कच्ची सडकखण्ड हो। घाइते सबैको युनाइटेड मिसन अस्पताल पाल्पामा उपचार भइरहेको प्रहरी नायब उपरीक्षक रामेश्वर त्वातीले जानकारी दिनुभयो। सेतोपाटीबाट
