ललितपुर । ललितपुरको टुटेपानीस्थित होस्टेलमा एक युवक मृत अवस्थामा फेला परेका छन्। ललितपुर महानगरपालिका–११ टुटेपानीस्थित रोहित पौडेलले एक भाडामा लिएर सञ्चालन गरेको रोयल ब्वोइज होस्टेलमा एक युवक मृत अवस्थामा फेला परेको महानगरीय प्रहरी परिसर ललितपुरका प्रहरी उपरीक्षक सिद्धिविक्रम शाहले जानकारी दिनुभयो।
सप्तरी राजविराज घर भई हाल कुपण्डोल खरिबोट बस्ने २६ वर्षीय शरद यादव बिहीबार मृत फेला परेका हुन्। उनी पहिले त्यही होस्टलमा बसेका रहेछन्। उनका साथीहरू पनि थिए। बुधबार राति त्यहीँ सुत्न गएका रहेछन्,’ शाहले भन्नुभयो, ‘सुतेको अवस्थामा मृत्यु भएको देखिन्छ।’उहाँका अनुसार शवमा बाहिरी चोटपटक देखिएको छैन।
शव हिजो नै फेला परे पनि मुचुल्का र शव उठाउने काम भने शुक्रबार बिहान मात्रै सुरू भएको हो। मृतकका आमा र अन्य परिवार यहीँ हुनुहुन्थ्यो। उदयपुरमा रहेका बुवा आएपछि मात्रै शव उठाउने भन्ने कुरा भएपछि हामीले आज शव उठाएका हौं,’ उहाँले भन्नुभयो। यादवको पोष्टमार्टमको लागि अस्पताल लग्ने तयारी भइरहेको छ। घटना शंकास्पद भएरनभएको बारे पोष्टमार्टमपछि खुल्ने प्रहरीले जनाएको छ। सेतोपाटीबाट
