काठमाडौं । सत्ता घटक नेकपा माओवादी केन्द्रका अध्यक्ष पुष्पकमल दाहाल प्रचण्डले जहानिया राणाशासन विरुद्ध जीवन आहुती दिने अमर सहिदहरुप्रति श्रद्धाञ्जली व्यक्त गर्नुभएको छ ।
सहिद दिवसको अवसरमा अध्यक्ष प्रचण्डले प्रजातान्त्रिक शासन व्यवस्था ल्याउन जहानिया राणाशासनविरुद्ध जीवन आहुती दिने बीर सहिदहरु प्रति शुक्रराज शास्त्री, गङ्गालाल श्रेष्ठ, दशरथ चन्द, धर्मभक्त माथेमा लगायतका सम्पूर्ण सहिदहरुप्रति श्रद्धाञ्जली व्यक्त गर्नुभएको हो ।
सामाजिक सञ्जालमा लेख्दै अध्यक्ष प्रचण्डले भन्नुभएको छ, ‘जहानिया राणाशासन विरुद्ध प्रजातान्त्रिक शासन व्यवस्थाका लागि वीरतापुर्वक जीवन आहुती दिने अमर सहिदहरु शुक्रराज शास्त्री, गङ्गालाल श्रेष्ठ, दशरथ चन्द, धर्मभक्त माथेमा लगायत सम्पूर्ण सहिदहरुप्रति हार्दिक श्रद्धाञ्जली अर्पण गर्दछु।’ नागरिक खबरबाट
