काठमाडौँ । पछिल्लो २४ घण्टामा नेपालमा ८८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ६ हजार १ सय ४५ जनाको पीसीआर परीक्षण गर्दा ६६ जना र २ हजार ४ सय ९३ जनाको एन्टीजेन परीक्षण गर्दा २२ जना गरी ८८ जनामा संक्रमण पुष्टि भएको हो ।
यस्तै कोरोना संक्रमणका कारण थप १ जनाको मृत्यु भएको छ । कोरोनाका कारण नेपालमा मृत्यु हुनेको संख्या ११ हजार ९ सय ४८ पुगेको छ । यस्तै पछिल्लो २४ घण्टामा ३ सय ७६ जना निको भएका छन् । नेपालमा हाल सक्रिय संक्रमितको संख्या ६ हजार १ सय ५० रहेको छ ।
