काठमाडौँ । पछिल्लो २४ घण्टामा नेपालमा १ सय ९४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ३ हजार ६ सय ३८ जनाको पीसीआर परीक्षण गर्दा ७४ जना र २ हजार ७ सय ५६ जनाको एन्टीजेन परीक्षण गर्दा १ सय २० जना गरी १९४ जनामा संक्रमण पुष्टि भएको हो ।
यस्तै कोरोना संक्रमणका कारण थप १ जनाको मृत्यु भएको छ । कोरोनाका कारण नेपालमा मृत्यु हुनेको संख्या ११ हजार ९ सय ४९ पुगेको छ । यस्तै पछिल्लो २४ घण्टामा ३ सय ४८ जना निको भएका छन् । नेपालमा हाल सक्रिय संक्रमितको संख्या ५ हजार ८ सय ७५ रहेको छ ।
