काठमाडौँ । पछिल्लो २४ घण्टामा नेपालमा १ सय १२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ६ हजार ८ सय १ जनाको पीसीआर परीक्षण गर्दा ७७ जना र २ हजार ५ सय २७ जनाको एन्टीजेन परीक्षण गर्दा ३५ जना गरी ११२ जनामा संक्रमण पुष्टि भएको हो ।
यस्तै कोरोना संक्रमणका कारण पछिल्लो २४ घण्टामा मृत्यु भने भएको छैन । कोरोनाका कारण नेपालमा मृत्यु हुनेको संख्या ११ हजार ९ सय ४९ पुगेको छ । यस्तै पछिल्लो २४ घण्टामा ४ सय २९ जना निको भएका छन् । नेपालमा हाल सक्रिय संक्रमितको संख्या ५ हजार ३ सय ४० रहेको छ ।
