काठमाडौँ । पछिल्लो २४ घण्टामा नेपालमा ७७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ५ हजार ६ सय ७ जनाको पीसीआर परीक्षण गर्दा ६२ जना र २ हजार ३ सय ७४ जनाको एन्टीजेन परीक्षण गर्दा १५ जना गरी ७७ जनामा संक्रमण पुष्टि भएको हो ।
यस्तै कोरोना संक्रमणका कारण पछिल्लो २४ घण्टामा १ जनाको मृत्यु भएको छ । कोरोनाका कारण नेपालमा मृत्यु हुनेको संख्या ११ हजार ९ सय ५० पुगेको छ । यस्तै पछिल्लो २४ घण्टामा १ सय ८९ जना निको भएका छन् । नेपालमा हाल सक्रिय संक्रमितको संख्या ५ हजार २ सय १२ रहेको छ ।
