पोखरा । नेकपा (माओवादी केन्द्र)का अध्यक्ष पुष्पकमल दाहाल‘प्रचण्ड’ले गठबन्धनको भरमा चुनाव जितिएला भनेर बस्न नहुने बताउनुभएको छ । कार्यकर्ता प्रशिक्षण कार्यक्रममा सहभागी हुन पोखरा पुगेका प्रचण्डले आफ्नो खुट्टामा उभिनु पर्ने भन्दै जनतासँगको सम्बन्धलाई बलियो पार्नुपर्ने बताउनुभयो ।
‘आउँदै गरेको स्थानीय तहको निर्वाचनमा ध्यान केन्द्रित गरेको नै हामीले कार्यक्रम बनाएका छौँ । निर्वाचनमा कसरी जाने भन्ने सबैको चासो छ,’ उहाँले भन्नुभयो, ‘निर्वाचन गठबन्धनबाट हुन्छ कि एक्लै हुन्छ रु भन्ने जहाँ सम्मको कुरा छ, हामीले अहिले पार्टीमा जोड गरेर भनेको चाहिँ हामी गठबन्धन गरौँला, त्यहीँबाट चुनाव जितौंला भनेर बस्न हुँदैन । आफ्नै खुट्टामा उभिने हो । आफ्नै संगठनको शक्तिलाई बलियो पार्ने हो । आफ्नै जनतासँगको सम्बन्धलाई बलियो पार्ने हो ।’
पछिल्लो समय पार्टीप्रति धेरै लहर बढेको र जनचासो बढेको उनको भनाइ थियो । अहिले संविधान जोगाउने दल नै माओवादी रहेछ भन्ने छाप जनतामा परेको उहाँले दाबी गर्नुभयो । अध्यक्ष प्रचण्डले नेपाली कांग्रेसले आफूहरुलाई हेप्न थाल्यो भने गठबन्धनको विकल्प खोज्नुपर्ने बाध्यता आउने बताउनुभयो । उहाँले कांग्रेस उपसभापति धनराज गुरुङले आफ्नो पार्टीलाई हात्ती र माओवादी केन्द्रलाई चमेराको संज्ञा दिँदै बोलेको कुराप्रति चित्त दुखाउनुभयो ।
‘यदि नेपाली कांग्रेसले हामीलाई केही केही नेताले भन्छन् नि एकजना गुरुङजी छन् नि १ हात्तीको उसमा चमेरा कि के भन्या छन् रु त्यस्तै भाषा क्या, बडो सुन्नै गाह्रो पर्ने भाषा बोल्ने तिनलाई भन्या हो, त्यस्तालाई,’ उहाँले भन्नुभयो,‘त्यसै गर्छन् भने त हामीले विकल्प खोज्नुपर्ने बाध्यता आउँछ । तर, अहिले हामीले त्यता सोचेका छैनौँ, अहिले गठबन्धनलाई नै लिएर जाने हो भन्न खोज्या हो ।’उहाँले एमालेमाथि पनि आक्रोश पोख्नुभयो । अघिल्लो वर्षयता संघीयताको पक्षधर र विरोधी दुई खेमा स्पष्ट देखिएको बताउँदै सदनमात्र नभएर संविधाननै विघटन गर्न खोजिएको आरोप लगाउनुभयो । नागरिक खबरबाट
