म्याग्दी । म्याग्दीको मालिका गाउँपालिका–५ ,स्थित भिरखर्क सामुदायिक वनमा लागेको आगो निभाउने क्रममा घाइते हुनुभएका २१ बर्षिय मनबहादुर बोहराको उपचारको क्रममा मृत्यु भएको छ । २४ फागुनमा आगो निभाउने क्रममा २१ वर्षिय मनबहादुरको उपचारको क्रममा काठमाडौँमा मृत्यु भएको हो । मृतकका आफन्त विरेन्द्र किसानका अनुसार ,६ चैतमा किर्तिपुर अस्पतालमा उपचारको क्रममा मृत्यु भएको हो ।
याे पनि
गम्भीर घाइते अवस्थामा थप उपचारका लागि दरबाङ हुँदै पोखरा पठाइएकोमा त्यहाँबाट समेत काठमाडौँ लगिएको थियो । मृतक मन बहादुरको दरबाङमा अत्येष्टी गरिएको छ । सोही आगलागीमा परी मृतकका दाजु म बहादुरको घटनास्थलमै मृत्यु भएको जिल्ला कार्यालय म्याग्दीले जनाएको छ ।
जङ्गलमा लागेको आगो बस्तीमा आउन थालेपछि आगो निभाउने क्रममा घटना घटेको लायन्स क्लब अफ म्याग्दी दरबाङका अध्यक्ष अमृत सापकोटाले जानकारी दिनुभयोे । आर्थिक अवस्था कमजोर रहेकोले मनबहादुरको उपचारमा स्थानीय ,आफन्त ,संघसंस्था विभिन्न माध्यमबाट सहयोग जुटाइएको थियो ।
