काठमाडौँ । हेटौंडाको मेयर पदमा टिकट नपाएपछि राप्रपाका केन्द्रीय सदस्य मधुप्रसाद अधिकारीले पार्टी परित्याग गर्नुभएको छ । उहाँले शुक्रबार एक विज्ञप्ति जारी गर्दै पार्टी परित्यागको घोषणा गर्नुभएको हो । उहाँले पछिल्लो समयमा राप्रपामा सामन्ती र सर्वसत्तावादी प्रवृत्तिको हावी भन्दै राप्रपाबाट अलग भएको घोषणा गर्नुभएको हो ।
‘राप्रपामा क्रियाशील भई जीवनका ऊर्जाशील समय व्यतित गर्नुभयो । भावी दिनमा राप्रपा सम्बद्ध कोहीसँग पनि गुनासो रहने छैन । पार्टीमा काम गर्ने क्रममा धेरै साथीहरुसँग नजिक भएँ’अधिकारीले भन्नुभएको छ , ‘माया गर्ने, सम्मान गर्ने अनि मन मिल्ने मनग्ये साथीहरु छन् । सबैलाई सम्झेको छु । गलत प्रवृत्तिसँग कुनै मूल्यमा सम्झौता नगर्ने दृढताका साथ अत्यन्तै भारी मनले राप्रपाबाट अलग हुने निर्णय लिएको छु ।’ उहाँले जारी गरेको विज्ञप्तिमा भनिएको छ । रातोपाटीबाट
