कपिलवस्तु । कपिलवस्तुको महाराजगञ्ज नगरपालिकाको प्रमुख र उपप्रमुख दुवैमा नेपाली कांग्रेसका उम्मेदवार विजयी हुनुभएको छ । नगर प्रमुखमा कांग्रेस उम्मेदवार अब्दुल कलाम मुसलमानले १० हजार २०० मत प्राप्त गरि चुनाव जित्नुभएको छ । उहाँका प्रतिस्पर्धी नेकपा एमालेका उम्मेदवार रामदास चौधरीले ८ हजार ६६८ मत र लोकतान्त्रिक समाजवादी पार्टी लोसपाका उम्मेदवार ओंकारनाथ शुक्लले २ हजार ४७४ मत पाउनुभयो ।
मुसलमान दोश्रो कार्यकालका लागि प्रमुख बन्नुभएके हो । त्यसै गरि उपप्रमुखमा कांग्रेसकी उम्मेदवार रीता कुमारी कुर्मी ११ हजार १६७ मतसहित विजय हुनुभयो । उहाँकी प्रतिस्पर्धी एमालेकी उम्मेदवार भानमती यादवले ७ हजार २ सय मत र लोसपाकी उम्मेदवार साबित्री देवी कुर्मीले २ हजार ५ सय ५ मत पाउनुभयो । उपप्रमुख जितेकी रीताले सासुको मृत्युपछि उपमेयरको टिकट पाउनुभएको हो ।
उहाँकी सासु शुभावतीको उम्मेदवारी दर्ता गरेपछि निधन भएको थियो । त्यसपछि कांग्रेसले रीतालाई उम्मेदवार बनाएको हो । शुभावतीले २०७४ को चुनाव जित्नुभएको थियो । उपप्रमुख उम्मेदवार शुभावतीको मृत्युका कारण महाराजगञ्जमा ३ जेठमा चुनाव भएको हो । ११ वटा वडा रहेको महाराजगंजमा नेपाली कांग्रेसले नगर प्रमुख र उपप्रमुख सहित ८ वटा वडा जितेको छ । त्यसैगरि नेकपा एमाले, लोकतान्त्रिक समाजवादी पार्टी र जनता प्रगतिशील पार्टीले समान १र१ वटा वडा जितेका छन । अनलाइनखबरबाट
