म्याग्दी । बेनी । म्याग्दीको बेनी नगरपालिकाले वडा नम्बर ४ सिंगा तातोपानीमा सार्वजनिक सुनुवाई कार्यक्रम गरेको छ । नेपाल पत्रकार महासंघ म्याग्दीको सहजीकरणमा नगरले सोमबार २०७९÷०८० को पहिलो चौमासिकमा भए गरेका विकास निर्माण तथा सेवा प्रवाह बिषयक सार्वजनिक सुनुनाई कार्यक्रम सम्पन्न गरेको हो । सार्वजनिक सुनुवाईमा आर्थिक वर्षको पहिलो चौमासिकका गतिविधि सर्वाजनिक गरेका नगरपालिकाका पदाधीकारी र कर्मचारीहरुले सेवा प्रवाह र विकास निर्माणका विषयमा स्थानीयबासीहरुसँग छलफल गरेका छन् ।
कार्यक्रममा सहभागीहरुले नियमितका अलावा संघ र प्रदेशसँग समन्वय गरेर अतिरिक्त बजेट भित्र्याएर कार्यान्वयन गर्न, योजना कार्यान्वयनमा असारे प्रवृति र ढिलासुस्ति हटाउन, पारदर्शीता कामय गराउन, सेवा प्रवाहलाई परिणाममुखी र सेवाग्राही मैत्री बनाउन सुझाव दिएका थिए । बेनी नगरपालिकाका नगर प्रमुख सुरत केसीले प्राकृतिक उपचार स्थल तातोपानीलाई लगानी भित्र्याएर थप व्यवस्थित गर्दै म्याग्दीको मुख्य पर्यटकीय गन्तब्यका साथै नगरपालिकाको प्रमुख आम्दानीको स्रोतका रुपमा विकास गर्ने प्रतिवद्धता जनाउनुभयो ।
‘चालु आर्थिक वर्षका योजना तथा कार्यक्रम जति सक्दो छिटो कार्यान्वयन गराउन उपभोक्ता समितिसँग सम्झौता र ठेक्का प्रक्रियामा जुटेका छौ’, उहाँले भन्नुभयो ‘लामो प्रक्रीया पुरा गरेर योजना कार्यान्वयन गर्न धेरै चुनौति छन्।’ प्रदेश र संघका ठूला योजना भित्र्याउन राजनीतिक दल, जनप्रतिनिधि र सरोकारवालासँग छलफल गर्ने तथा नगरपालिकाको गुरुयोजना परिमार्जन गर्ने नगरप्रमुख केसीले बताउनुभयो ।
कार्यक्रममा उपस्थित नगरबासीले नगरको गुरुयोजना निर्माण गर्न, खानेपानीमा एक घर एक धारालाई पुर्णता दिन, खानेपानी समस्यालाई प्राथमिकता राखेर समाधान खोज्न, सिँचाई नहर मर्मतमा ध्यान दिन, तातोपानी बजारमा ढल निकासको समस्या समाधानमा पहल गर्न, पहिरो, भूक्षय नदीको कटानको जोखिमबाट तातोपानीबजारलाई जोगाउने योजना अघि बढाउन माग राखेका थिए ।
सावर्जनिक सुनवाईमा सरकारी विद्यालयमा प्रविधिमैत्री शिक्षामा जोड दिन, बेनी–दरवाङ सडकमा नाली सरसफाई, सडक मर्मत लगायतको काम समयमै गराउन, पर्यटन पुर्वाधार निर्माण जोड दिन, विकास निर्माणलाई प्रभावकारी रुपमा अघि बढाउन अनुगमनमा ध्यान दिन, सिपयुक्त तालिम ब्यवस्थापन गर्न, बजार क्षेत्रमा पार्किङको सुविधा विस्तार गर्न, खेलकुद पुर्वाधार निर्माण जोड गर्न, बैकिङ डिजिटल सेवालाई विस्तारमा समन्वय गर्न, नगरको सेवाप्रवाहलाई छिटोछरितो र प्रविधिमैत्री बनाउन माग राखेका थिए ।
नगरपालिबासीले उठाएको जिज्ञासाको जवाफ दिदै मेयर केसीले संघ, प्रदेशले निर्माण गरेका अलपत्र पारेका संरचनालाई पूर्णता दिन पहल गरिरहेको बताउनुभयो । म्याग्दी नदीको कटानको जोखिममा रहेको सिंगा तातोपानी बजार र मसारको बस्तीलाई जोगाउन नगरको बजेटबाट गर्न नसकिने बताउदै संघ र प्रदेश लगायतको समवन्य गरेर रुपाताल संरक्षण योजना ल्याउने विषयमा छलफल भईरहेको जानकारी दिनुभयो । उहाँले तातोपानी कुण्डलाई नदी कटानबाट जोगाएर प्रमुख आम्दानी स्रोतको रुपमा विकास गर्ने नगरपालिकाको योजना रहेको सार्वजनिक सुनुवाई उल्लेख गर्नुभयो । “नगरबाट ठेक्का प्रक्रियाबाट गरेका विकास निर्माणमा शतप्रतिशत काम हुन सकेको छैन्”– उहाँले भन्नुभयो “बेनी–पाखापानी सडक नगरले छुट्याएको १ करोड बजेट १ किलोमिटर पनि सडक स्तरोन्नती गर्न नसकिने अवस्था नगरमा रहेको छ । आम्दानीको स्रोत कम हुदाँ विकास निर्माणले पूर्णता पाउन सेकेको छैन् । यस्तै बजेट अपुगको समस्या अन्य सडक स्तरोन्नतीमा पनि भएको छ ।”
मेयर केसीले रावण पार्क, खुल्लामञ्चको प्यारापिट निर्माणधिन अवस्थामा रहेको छ । गोस्वारा, तमाने, एकीकृत जामुनाखर्क, खवरा खानेपाी र राउवडा खानेपानी योजना निर्माण सम्पन्न अन्तिम चरणमा रहेको उल्लेख गर्नुभयो ।नगरमा उपमेयरसंग आमासमुह कार्यक्रममार्फत वडानम्वर १, २ र ३ मा सिपमूलक तालिम लगायतको कार्यक्रममा आमासमूहको भवनमा गरिरहेको जानकारी दिनुभयो ।
प्रमुख प्रशासकिय अधिकृत धोलकराज ढकालले नगरबासी बृद्ध, अपाङ्गता लगायतले पाउने नागरिकता लगायत अन्य सुविधाको विषयमा जिल्ला प्रशासन कार्यालयमा समन्वय गरेर उपलब्ध गराएको बताउनुभयो ।
ढकालले उद्योग वाणिज्यतर्फ विनियोजन भएको ५० लाख रुपैया नगरबासीलाई रोजगार र उत्पादनसंग जोड्ने सिपमूलक तालिम लगायतमा खर्च गरिने जानकारी दिनुभयो । “जनताको अपेक्षा पुरा गर्ने नगरमा स्रोतसधान र आर्थिक अभाव छ। चालु आर्थिक बर्षमा नगरको योजना जनताको आवश्यकताको आधारमा छनोट भएका छन् । त्यही योजनालाई कार्यान्वयन गर्न माग अनुसारको बजेट विनियोजन गरिएको छ।” ढकालले भन्नुभयो “ नगरपालिकाले कानुन पालना गरेर सेवाप्रवाह, विकास निर्माणको काम र विभिन्न कार्यक्रम गरेको छ ।” सो कार्यक्रममा उपस्थित वडाअध्यक्ष अर्णबहादुर खड्का, गोविन्द्र बानियाँ, कृष्णसिङ बानियाँ लगायतले वडाभित्रको विकास निर्माणबारे उठेको प्रश्नको जवाफ दिनुभएको थियो ।
राजनीतिक दलतर्फबाट बोल्दै नेपाली कांग्रेसका बेनी नगर उपसभापति हरिप्रसाद पौडेलले जनताका समस्यालाई समाधान गर्न आगामी दिनमा हुने सार्वजनिक सुनुवाई कार्यक्रममा जिल्लाका विषयगत कार्यालयका प्रमुखलाई बोलाउन आग्रह गर्नुभयो । पौडेलले पहिलो चौमासिकको प्रगति सार्वजनिक मात्र होईन दोस्रो चौमासिकमा विकासतर्फ, आयस्रोततर्फ यो यो काम गर्छौ भन्ने ठोस योजना जनप्रतिनिधि र कर्मचारी ल्याउन माग गर्नुभयो ।
त्यस्तै नेकपा माओवादी केन्द्रका बेनी नगरपालिका संयोजक शेरबहादुर केसीले जनताले राजनीतिक दलमाथि राख्ने समस्या जनप्रतिनिधि र कर्मचारीमाथि राख्ने वातवरण तयार गर्न आग्रह गर्नुभयो । नगरको सार्वजनिक सुनुवाई, नगर बैठक लगायतको विभिन्न कार्यक्रममा संघ, प्रदेशका जनप्रतिनिधि र राजनीतिकि दलसंग समन्वय, उपस्थित गराएर अघि बढ्न सकेमा जनताको आकांक्षा अनुसार काम गर्ने वातावरण तयार हुने बताउनुभयो पत्रकार महासंघ म्याग्दीका सदस्य कृष्ण जिसी, सहसचिव साधन राम्जाली र धीरन खत्रीको सहजीकरणमा सार्वजनिक सुनवाई सम्पन्न भएको थियो ।
बेनी नगरपालिकामा एक करोड ५७ लाख राजश्व संकलन
बेनी नगरपालिकामा यस आर्थिक बर्षको पहिलो चौमासिकमा १ करोड ५७ लाख ८ हजार ७२१ रुपैयाँ आन्तरिक राजश्व संकलन भएको छ । यस आर्थिक वर्ष २०७९÷०८० बर्षमा नगरले प्रक्षेपित रकम ४ करोड २३ लाख ७० हजार रुपैयाँ रहेको मध्ये पहिलो चौमासिकमा सो रकम संकलन गरेको हो ।
बेनी नगरपालिकाका प्रमुख प्रशासकिय अधिकृत धोलकराज ढकालले ब्यवसाय कर, जन्म, मृत्यु, विवाह, बसारसराई, सम्वन्ध विच्छेद लगायतको सेवाप्रवाहबाट राजश्व संकलन भएको बताउनुभयो । ढकालले पहिलो चौमासिकमा पुँजीगत खर्च १ करोड ७ लाख ८५ हजार खर्च (४.३२ प्रतिशत भएको छ भने चालु तर्फ ११ करोड ३२ लाख ७१ हजार रुपैया ( २३.४८ प्रतिशत) खर्च भएको जानकारी दिनुभयो । यस आर्थिक बर्षमा नगरमा कुल बजेट ७३ करोड ३१ लख ५३ हजार रुपैया रहेको छ । चालुतर्फ ४८ करोड ३७ लाख २५ हजार रुपैया र पुँजिगततर्फ २४ करोड ९४ लाख २८ हजार रुपैयाँ बजेट छ ।
बेनी नगरपालिकाले मेयर सुरज केसीले करको क्षेत्र र दायरा विस्तार गरी आन्तरिक आयमा अभिवृद्धि गर्ने योजना रहेको बताए । आन्तरिक स्रोत कम हुदाँ नगरको जनताको आवश्यकता अनुसार्र विकास निर्माणमा प्रयाप्त मात्रामा बजेट विनियोजन गर्न नसकिएको केसीले भने । विकास बजेटमा संघ र प्रदेशबाट स्विकृतमा ढिलाई, चाडपर्व र निर्वाचनले सोचेजस्तो काम पहिलो चौमासिकमा हुन नसकेको मेयर केसीले बताउनुभयो ।
