बेनी । म्याग्दीको मालिका गाउँपालिका–३,डाँडागाउँ स्थित गलकोटमा आइतबार साँझ एक महिलाको हत्या गरेर फरार भएका अभियुक्त पक्राउ परेका छन् । गलकोटका ३५ वर्षिय दलविर श्रीपालीलाई सोही वडाको खतेन गाउँमा आफन्तको घरमा लुकेर रहेको अवस्थामा राती करिब पौने ११ बजेको समयमा पक्राउ गरिएको जिल्ला प्रहरी कार्यालय म्याग्दीका सुचना अधिकारी राजन रायमाझीले जानकारी दिनुभयो ।
याे पनि पढ्नुहाेस्
अभियुक्त दलबिर साँझ करिब सात बजेको समयमा छिमेकी ४३ वर्षिया विनाकुमारी बिकको हत्या गरेर फरार भएका थिए । स्थानीयको सहयोगमा अभियुक्त दलबिरलाई पक्राउ गरिएको उहाँले बताउनुभयो । घटनास्थलमा बन्चरो ,हँसिया र दाउ फेला परेको छ । घटनास्थलको मुचुल्का तयार पारी शव पोष्टमार्टमका लागि बेनी अस्पताल र पक्राउ परेका अभियुक्तलाई बेनी ल्याउने तयारी भइरहेकाे सुचना अधिकारी रायमाझीको भनाइ छ ।
