म्याग्दी । बेनी–बागलुङ सडक खण्ड अन्तरगत हाडेभिरमा मोटरसाइकलको ठक्करबाट शनिबार पाँच वर्षीय बालकको मृत्यु भएको छ । मृत्यु हुनेमा बेनी नगर पालिका–२ खवराका स्थानीय किशोर परियारका ५ वर्षीय छोरा केविन परियार रहेको जिल्ला प्रहरी कार्यालय म्याग्दीका सूचना अधिकारी प्रहरी निरीक्षक सागर पौडेलले जानकारी दिनुभयो ।
खबराबाट बेनी बजारतर्फ गइरहेको ध २ प ६९६ नम्बरको मोटरसाइकलले बाटो छेउमा हिँडिरहेका कोविनलाई ठक्कर दिएको थियो । घाइते बालकलाई तत्काल बेनी प्रादेशिक अस्पतालमा सामान्यउपचार पश्चात थप उपचारका लागी पोखरा स्थित मणिपाल शिक्षण अस्पताल लगिएको थियो । उपचारका लागि मणिपाल शिक्षण अस्पताल लगिए पनि उनको उपचारको क्रममा अपरान्ह ५.१० बजेको समयमा उपचारमा संलग्न चिकित्सकले मृत्यु घोषण गरेको सूचना अधिकारी प्रहरी निरीक्षक पौडेलले बताउनुभयो ।
ठक्कर दिने मोटरसाइल चालक बेनी नगरपालिका–२ खबराका २१ वर्षीय युवक विसन सापकोटालाई नियन्त्रणमा लिई आवश्यक अनुसन्धान अघि बढाइएको जिल्ला प्रहरी कार्यलय म्याग्दीले जनाएको छ ।
