काठमाडौँ । प्रधानमन्त्री शेरबहादुर देउवा ३ दिने भारत भ्रमणमा जाने हुनुभएको छ । प्रधानमन्त्री देउवा चैत १८ देखि २० गतेसम्म भारत भ्रमणमा जाने हुनुभएको हो ।
प्रधानमन्त्री देउवा भारतीय समकक्षी नरेन्द्र मोदीको निमन्त्रणमा भारत भ्रमणमा जान लागेको भारतीय विदेश मन्त्रालयले जनाएको छ । प्रधानमन्त्री देउवासहित उच्चस्तरीय प्रतिनिधिमण्डल सहभागी भ्रमण दलमा देउवा पत्नी आरजु राणा पनि रहनुहुने छ । प्रधानमन्त्रीमा निर्वाचित भएपछि प्रधानमन्त्री देउवाले दोस्रो राष्ट्रमा गर्न लागेको यो पहिलो औपचारिक भ्रमण हो ।
भ्रमणका क्रममा प्रधानमन्त्री देउवाले चैत १९ गते उपराष्ट्रपति र भारतीय समकक्षीसँग भेटवार्ता गर्नुहुनेछ । प्रधानमन्त्री देउवाले भारतीय विदेशमन्त्री र राष्ट्रिय सुरक्षा एजेन्सीका प्रमुखसँग पनि भेटवार्ता गर्ने कार्यसूची रहेको छ । नयाँ दिल्लीमा राजनीतिक भेटवार्ताका साथै प्रधानमन्त्री उत्तर प्रदेशको वरानसी पनि जाने भारतीय विदेश मन्त्रालयले आफ्नो विज्ञप्तिमा जानकारी दिएको छ । रातोपाटीबाट
